|
Kiyev Milli Linqvistika Universitetinin Heydər Əliyev
adına Azərbaycan dili və mədəniyyəti mərkəzində
Azərbaycan dili kursları fəaliyyətə başlamışdır.
Bakı Slavyan Universitetindən AzərTAc-a bildirmişlər ki,
növbəti tədris ilində başlanmış kurslar mərkəzin
rəhbəri, professor Rafiq Novruzov tərəfindən aparılır.
Ərizə ilə müraciət edən 19 Ukrayna vətəndaşı Azərbaycan
dilinə maraq göstərərək, kurslar vasitəsilə qədim
mədəniyyətə, zəngin tarixə, cazibədar ənənələrə malik
olan xalqı yaxından tanımaq, mədəniyyətini öyrənmək
istəyini bildirmişdir. Dinləyicilər tələbə və müxtəlif
peşə sahibləridir. İki qrupdan ibarət kurslarda dərslər
həftədə iki dəfə keçirilir. |
