|
Naxçıvan Özəl Universitetində "ENACTUS -Tələbələr Azad
Sahibkarlıq Fəaliyyətində" layihəsinin təqdimatı
keçirildi. Təqdimatda çıxış edən humanitar elmlər
kafedrasının müdiri, dosent Elbrus İsayev 60-dan çox
tələbəyə ENACTUS layihəsinin mahiyyəti haqqında geniş
məlumat verdi. Bildirildi ki, layihənin əsas məqsədi
müvəffəqiyyətlə təhsil alan və fərqlənməyi bacaran
tələbələrə xüsusi qayğı nümayiş etdirmək, onlarda mövcud
liderlik qabiliyyətinin inkişaf etdirilməsi, layihə
müddətində düzgün vaxt bölgüsünün təmin edilməsi,
effektiv komanda yığımı, layihələrin idarə edilməsi və
iş bölgüsünün təmin edilməsi, təqdimat bacarıqlarının
artırılması, eləcə də yüksək potensiala malik gənclərin
peşəkar kadr kimi formalaşmasına dəstək olmaqdan
ibarətdir.
Beynəlxalq əlaqələr şöbəsinin koordinatoru Gülnar
Məmmədova tələbələr arasında anket sorğusunun nəticələri
əsasında yaradılmış yeni komandaların tərkibini elan
etdi, layihələrin icra mexanizmi və müddəti haqqında
danışdı. Sonda ENACTUS layihəsi ilə bağlı slayd və
"Enactus World Cup" videoçarxları nümayiş etdirildi.
Artıq bir neçə ildir ki Azərbaycanda fəaliyyət göstərən
ENACTUS Azərbaycan - "Gənclər Azad Sahibkarlıq
Fəaliyyətində" İctimai Birliyi Gənclər və İdman
Nazirliyinin dəstəyi ilə müxtəlif layihələri uğurla
həyata keçirməkdədir. İnanırıq ki, Naxçıvan Özəl
Universitetinin yenidən yaradılacaq ENACTUS komandası
milli çempionatda uğurla təmsil olunacaq və dünya
çempionatına vəsiqə qazanmaq imkanı əldə edəcəkdir.
Nuray ƏSGƏROVA,
Naxçıvan Özəl Universitetinin
Mətbuat xidmətinin rəhbəri |
