Javascript DHTML Drop Down Menu Powered by dhtml-menu-builder.com

ARXİV

1 Noyabr 2013 - №42

 

BDU-nun alimləri Nobel mükafatçıları ilə nanotexnologiyaların perspektivlərini müzakirə ediblər

 

Böyütmək üçün şəkili seçinOktyabrın 30-da Bakı Dövlət Universitetində Nobel mükafatı laureatları Laflin Robert Betts (fizika), David Gross (fizika), Markus Rudolf Arturun (kimya) iştirakı ilə "Nanotexnologiyaların perspektivləri mövzusunda qabaqcıl tədqiqatlar" mövzusunda "dəyirmi masa" keçirilib. BDU-nun rektoru, akademik Abel Məhərrəmov Nobel mükafatçılarını salamlayıb və onları universitetdə görməkdən məmnun olduğunu bildirib.

Maraqlı elmi müzakirələrin keçdiyi "dəyirmi masa"da professorlar -   Məhəmmədəli Ramazanov "Bakı Dövlət Universitetində nanotexnologiyalar sahəsində elmi-tədqiqat işləri və onların inkişaf perspektivləri", Eldar Şahbazov "Neft sənayesində nanotexnologiyalar" (Bakı Dövlət Universiteti ilə Azərbaycan Respublikası Dövlət Neft Şirkətinin birgə işləri) və  Eden Mamut  "Nanomayelər sahəsində elmi tədqiqatların hazırkı vəziyyəti - gələcək tədqiqatlar üçün xüsusiyyətlər, modellər və perspektivlər" (Qara Dəniz Universitetləri Şəbəkəsi) mövzusunda məruzə ediblər.

Nobel mükafatçıları Bakı Dövlət Universitetində elmi müstəvidə bakalavr və magistr pilləsində təhsilin təşkili proseslərini təqdirəlayiq hesab etdiklərini vurğulayıblar. Onlar nanotədqiqatlar sahəsində aparılan tədqiqat işlərini də yüksək qiymətləndirib və universitet alimlərinin bu istiqamətdə dünya alimləri ilə bərabər səviyyəli işlər apardıqlarını qeyd ediblər. Eyni zamanda universitetdə bu istiqamətdə təhsilin yüksək səviyyədə təşkil olunduğunu və gələcəkdə dünya təhsil sisteminə inteqrasiya barədə öz tövsiyələrini veriblər. "Dəyirmi masa" verilən suallara ətraflı cavablarla başa çatıb.  

BDU-nun Mətbuat və informasiya şöbəsi

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov