Müxtəlif layihələrlə sahibkarlığın inkişafına dəstək
verən Qafqaz Universiteti Texnoparkı təşəbbüskarlıq
seminarları silsiləsindən növbəti tədbir keçirib.
Oktyabrın 26-da keçirilən seminarda müxtəlif
universitetlərin tələbə və magistrləri, eləcə də
məzunları iştirak ediblər.
Tədbirdə reklam və PR agentliyi, FMCG, avtomobil,
telekommunikasiyalar sahələrində marketinq, satış,
reklam, müştəri xidməti, ictimaiyyətlə əlaqələr üzrə 10
ilə yaxın iş təcrübəsi olan "Azercell-Telekom" MMC-nin
əməkdaşı Ceyhun Sadıqov "PR (piar) olduğu kimi"
mövzusunda təqdimat edib. Təqdimatda PR-in nə olduğu,
funksiya və prinsipləri, strateji, taktiki və praktiki
PR, Azərbaycanda effektiv PR alətləri və s. haqqında
məlumat verilib.
Xatırladaq ki, QU Texnoparkının keçirdiyi təşəbbüskarlıq
seminarları sahibkarlığın inkişafına dəstək layihəsi
olub gənclər arasında təşəbbüskar yanaşmanı inkişaf
etdirmək məqsədi daşıyır. Bu aspektdə həyata keçirilən
proqramlarda universitet-sənaye əməkdaşlığı inkişaf
etdirilməklə yanaşı, təşəbbüskar gənclərlə iş dünyasının
təcrübəli əməkdaşları arasında müzakirələr aparılır.
Y.ƏLİYEV |