|
Bu günlərdə "Yaradıcı Gənclərə Dəstək" İctimai Birliyi
Azərbaycan Respublikasının Prezidenti yanında Gənclər
Fondunun dəstəyi ilə Ağdam rayonunun Quzanlı qəsəbəsində
"Gənclərin vətənpərvərlik tərbiyəsi və onların hərbi
xidmətə hazırlığı" layihəsi çərçivəsində gənclər üçün
seminar-treninq keçirib.
Tədbirin açılış mərasimində Laçın Rayon Gənclər və İdman
İdarəsinin rəisi Natiq Mustafayev çıxış edərək bu
layihənin məcburi köçkün gənclər üçün əhəmiyyətindən
danışıb. Vətənimizin ərazi bütövlüyü uğrunda döyüşlərdə
şəhid olan oğullarımızın şərəfli döyüş yolundan söz açan
natiq şəhidlərimizin həyatının gənclərimiz üçün örnək
olduğunu xüsusi vurğulayıb.
İki gün davam edən seminar-treninqin sonunda gənclərə
"Yaradıcı Gənclərə Dəstək" İctimai Birliyi tərəfindən
sertifikatlar təqdim olunub.
Növbəti belə seminar-treninqlər Ağcabədi və Laçın
rayonlarında da keçiriləcəkdir.
Samirə KƏRİMOVA |
