|
Azərbaycan Respublikasının Prezidenti yanında Gənclər
Fondunun maliyyə dəstəyi ilə Ağcabədidə "İnklüziv təhsil
sahəsində maarifləndirmə işinin təşkili" adlı layihə
həyata keçirilir.
AzərTAc xəbər verir ki, layihə çərçivəsində Ağcabədi
Rayon İcra Hakimiyyəti və təhsil şöbəsinin təşkilati
dəstəyi ilə şəhər 11 nömrəli tam orta məktəbdə "İnklüziv
təhsil sahəsində nöqsanların araşdırılması və bu
istiqamətdə dəstəyin göstərilməsi" mövzusunda konfrans
keçirilmişdir.
Konfransın məqsədi xüsusi qayğıya ehtiyacı olan uşaqlara
tətbiq olunan tədrisin, fiziki qüsurlu uşaqların aktiv
təhsilə cəlb edilməsi və onların cəmiyyətə
inteqrasiyasında inklüziv təhsilin üstünlüklərinin
müzakirə edilməsi olmuşdur.
Konfransda layihənin rəhbəri Radə Qafarova, RİH-in baş
məsləhətçisi Fərid Rüstəmov, 11 nömrəli tam orta
məktəbin direktoru Eynulla Hacıyev və başqaları çıxış
edərək bu sahədə mövcud problemlərdən danışmış,
layihənin əhəmiyyətini vurğulayaraq müxtəlif fikirlər
irəli sürmüşlər. |
