Regionların
sosial-iqtisadi inkişafına dair ikinci Dövlət
Proqramında müəyyən edilmiş tədbirlərə müvafiq olaraq
noyabrın 7-də Lerik rayonunun Durğan və Zərikuməcu
kəndlərində yeni məktəb binaları istifadəyə verilib.
AzərTAc xəbər verir ki, hər biri 80 şagird yerlik olan
ümumi orta məktəb binalarında şagirdlərin yüksək
səviyyədə təhsil almaları üçün hər cür şərait yaradılıb.
Yeni təhsil ocaqlarının istifadəyə verilməsi
münasibətilə keçirilən mərasimlərdə çıxış edən rayon
icra hakimiyyətinin başçısı Rövşən Bağırov, Milli
Məclisin deputatı İqbal Məmmədov, ağsaqqallar,
ziyalılar, təhsil işçiləri və ictimaiyyətin
nümayəndələri müəllim və şagirdləri əlamətdar hadisə
münasibətilə təbrik edib, ölkəmizdə təhsilin inkişafına,
onun maddi-texniki bazasının möhkəmləndirilməsinə və
təhsil işçilərinin sosial vəziyyətinin
yaxşılaşdırılmasına göstərilən diqqət və qayğıya görə
dövlətimizin başçısına minnətdarlıqlarını bildiriblər.
|