Noyabrın
11-də "Bakı" nəşriyyatının dəstəyi ilə respublikanın
ümumi təhsil məktəblərinin informatika müəllimləri
arasında keçirilən "Ən yaxşı videotədris resursu"
müsabiqəsinə yekun vuruldu.
Azərbaycan dilində videotədris resurslarının az olduğunu
nəzərə alaraq, informatika dərsliklərinin müəllifləri bu
problemin həlli üçün müəllimlərə kömək məqsədilə belə
bir müsabiqənin keçirilməsi ideyasını irəli sürmüşlər.
Artıq ikinci ildir ki, müsabiqə keçirilir və müsabiqədə
respublikamızın müxtəlif regionlarında çalışan
müəllimlər iştirak edirlər. Müsabiqənin şərtlərinə görə
təqdim olunmuş videodərslər informatika dərsliklərindəki
mövzular əsasında hazırlanmalıdır.
Builki müsabiqəyə 25 mart 2013-cü il tarixindən start
verilib və sentyabr ayının sonunda işlərin qəbulu
dayandırılıb. Bu müddət ərzində müsabiqəyə müəllimlər
tərəfindən 13 iş təqdim olunub.
Ramin Mahmudzadənin sədrlik etdiyi münsiflər heyətinin
tərkibi informatika dərsliklərinin digər həmmüəllifləri
İsmayıl Sadıqov, Naidə İsayeva və "Bakı" nəşriyyatının
nümayəndəsindən ibarət idi.
Müəllimlər öz işlərini youtube.com video
portalında yerləşdirmiş və sonradan həmin işlər
www.informatik.az saytında nümayiş etdirilərək
əvvəldən müəyyən olunmuş meyarlar əsasında
qiymətləndirilib.
Münsiflər heyəti işləri qiymətləndirərək qalibləri
müəyyən edib.
I yer
Rəşad Bəyov,
Bakı şəhər Nəsimi rayonu Texniki-humanitar lisey -
"Lazarusda proqramın yaradılması", 7-ci sinif.
Günay Hüseynzadə,
Bakı şəhər 193 nömrəli tam orta məktəb - "Lazarus
proqramı. Ədədin kvadratı və kubunun hesablanması", 7-ci
sinif.
Sənubər Məmmədova,
Bakı şəhər 267 nömrəli tam orta məktəb - "Access 2007
ilə tanışlıq", "Verilənlər bazasının strukturunun
yaradılması", "Cədvəlarası əlaqələr", 10-cu sinif.
II yer
Natəvan Feyzullayeva,
Bakı şəhər 251 nömrəli tam orta məktəb - "Kompüterin işə
salınması", 5-ci sinif.
Ramil Cəfərov,
Şərur rayon Tənənəm kənd tam orta məktəbi - "Fraktal
qrafika", 11-ci sinif.
Lətafət Nəsibova,
Bakı şəhər 227 nömrəli tam orta məktəb - "OpenOffice
Draw proqramı. 3D modelin hazırlanması", "Gallery",
"Funksiyalar və qrafiklər. Excel 2013", 11-ci sinif.
III yer
Nəcibə Humayeva,
Bakı şəhər 70 nömrəli tam orta məktəb - "Mozaika və
naxışların qurulması", 3-cü sinif.
Xanım Əliyeva,
Bakı şəhər 264 nömrəli məktəb-lisey - "Verilənlər
bazası", 10-cu sinif.
Kənan İsmayılov,
Bakı şəhər 171 nömrəli tam orta məktəb - "Word
proqramında cədvəlin qurulması", 7-ci sinif.
Qaliblər diplom və hədiyyələrlə mükafatlandırılıb. |