|
Gəncə Dövlət Universitetində "Xəmsə" milli intellektual
bilik yarışması keçirilmişdir. 13 komandanın iştirak
etdiyi yarışmada 50 nəfərədək tələbə özünün bilik və
dünyagörüşünü nümayiş etdirmişdir.
Universitetin magistratura şöbəsinin dekanı Emin Yaqubov
AzərTAc-a demişdir ki, yüksək intellektə və analitik
qabiliyyətə malik gənclərin üzə çıxarılması məqsədi
daşıyan yarış üçün suallar hazırlanarkən əsas diqqət
məntiqi təfəkkürün inkişafına yönəldilmişdir. Əldə
edilmiş nəticələrə əsasən demək olar ki, müasir gənclər
öyrənməyə, bilik səviyyələrini artırmağa çox
meyillidirlər.
Yarışda ilk üç yeri tutan komandalara fəxri diplomlar və
mükafatlar təqdim olunmuşdur. |
