Yeni Azərbaycan Partiyası Gəncə Şəhər Təşkilatının,
"Odlar Yurdu" Gənclər İctimai Birliyinin və Gəncə
Regional Debat Mərkəzinin birgə təşkilatçılığı ilə Gəncə
Dövlət Universitetində "Payız-2013" adlı debat forumu
keçirilmişdir.
AzərTAc xəbər verir ki, "Azərbaycanda könüllülük
fəaliyyəti özünü doğruldur" mövzusunda keçirilən forumda
universitetin 85 tələbəsi müxtəlif komandalarda öz bilik
və bacarığını nümayiş etdirmişdir.
İki gün davam edən yarışmada "Debat klubu" komandası
qalib gələrək sertifikatlara və forumun xatirə
medallarına layiq görülmüşdür. |