ARXİV

20 Dekabr 2013 - №49

Azərbaycan təhsilinin uğurları

Aytəkin BƏDƏLOVA,
Azərbaycan Respublikasının Prezidenti  yanında Dövlət İdarəçilik Akademiyasının tələbəsi

1996-cı ildə Bakı şəhərində anadan olub. 2013-cü ildə Bakıdakı Fikrət Tağıyev adına 72 nömrəli məktəb-liseyi bitirib. Orta məktəbdə oxuduğu illərdə müxtəlif sertifikat və diplomlarla təltif olunub.

Bu il  III qrup üzrə keçirilən qəbul imtahanında 675 bal  toplayaraq Azərbaycan Respublikasının Prezidenti yanında Dövlət İdarəçilik Akademiyasının inzibati idarəetmə fakültəsinə   daxil olub. Ən böyük  arzusu  ixtisası üzrə Azərbaycanda tanınmış bir mütəxəssis olmaqdır.   

Nuranə CAVADZADƏ,
Azərbaycan Tibb Universitetinin tələbəsi    

1996-cı ildə Bakı şəhərində anadan olub. 2013-cü ildə Xocavənd rayonunun 2 nömrəli tam orta məktəbini qızıl medalla bitirib.

Kimya-biologiya fənləri üzrə keçirilən   olimpiadalarda fəal iştirak edib.

Ali məktəblərə keçirilən qəbul imtahanında topladığı 680 balla Azərbaycan Tibb  Universitetinin müalicə-profilaktika fakültəsinə  qəbul olub.

Prezident təqaüdünə layiq görüldüyünə görə ölkə başçısına ailə üzvləri adından minnətdarlıq edir.

İbrahim ŞƏRİFOV,
Bakı Ali Neft Məktəbinin tələbəsi 

1996-cı ildə Ucar rayonunun Qazıqumlaq kəndində anadan olub. 2013-cü ildə Bakıdakı R.Əliyev adına 3 nömrəli tam orta məktəbdə  təhsilini  başa vurub. Dərslərini  yaxşı oxumaqla yanaşı, həm də  ictimai işlərdə də   fəal  iştirak edib.

Bu il  ali məktəblərə keçirilən qəbul imtahanında 690 bal toplayaraq  Bakı Ali Neft Məktəbinin  kimya mühəndisliyi ixtisasına   qəbul olub.

Prezident təqaüdünə  layiq görüldüyünə görə qürur hissi keçirir. Bu etimadı  doğrultmaq üçün   qış semestr  imtahanlarına ciddi  hazırlaşır.   

Günel VƏLİŞOVA,
Qafqaz Universitetinin tələbəsi 

1996-cı ildə Bakı şəhərində anadan olub. 2013-cü ildə  2 nömrəli Texniki-humanitar elmlər liseyini bitirib. Ali məktəbə qəbul olmaq üçün "Araz" hazırlıq kurslarında iştirak edib.

Bu il ali məktəblərə qəbul imtahanında  680 bal toplayaraq Qafqaz Universitetinin kimya mühəndisliyi ixtisasına qəbul olub. Qazandığı uğurlara   görə  orta məktəb müəllimlərinə və xüsusilə  "Araz" hazırlıq kurslarının  kollektivinə minnətdarlıq edir.

Nurlan YUSİFLİ,
Bakı Dövlət Universitetinin tələbəsi 

1996-cı ildə Bakı şəhərində anadan olub. 2013-cü ildə Bakıdakı Rövşən İmanov adına 205 nömrəli tam orta məktəbi bitirib. Məktəbdə oxuduğu illərdə fənn olimpiadalarının iştirakçısı olub.

Ali məktəblərə qəbul imtahanında 691 bal toplayaraq Bakı Dövlət Universitetinin hüquq fakültəsinə  daxil olub. Məqsədi ali məktəbi müvəffəqiyyətlə bitirib savadlı hüquqşünas olmaqdır.  

Hazırladı: Şakir CƏFƏROV,
"Azərbaycan müəllimi"