Azərbaycanın
ilk peyki olan "Azerspace-1" telekommunikasiya
peyki 8 fevral 2013-cü ildə orbitə buraxılıb.
Martın 15-dən peykin idarə edilməsi bütünlüklə
yerli mütəxəssislərə verilib. 2013-cü ilin
mayından "Azerspace-1"in resurslarının
istifadəsinə başlanılıb. Əsas məqsəd yerli radio
və televiziya kanallarının yayımını peyk
vasitəsilə təmin etməkdir. Bununla bağlı bütün
texnoloji işlər də başa çatdırılıb.
|
|
"Apple" şirkəti yeni nəsil "iPhone"
smartfonlarını təqdim edib |
Amerikanın
"Apple" şirkəti sentyabrın 10-da yeni nəsil
"iPhone" smartfonlarını təqdim edib. Şirkət
eyni zamanda qurğunun iki versiyasını (əsas və
büdcəyə uyğun) təqdim edə bilib. Mütəxəssislər
bildiriblər ki, "Apple" artıq yalnız bahalı
smartfonların istehsalı ilə məşğul olmayacaq.
"iPhone" smartfonunun büdcəyə uyğun versiyasının
korpusu alüminium deyil, plastik materialdan
hazırlanıb və müxtəlif rəngli panelləri var.
|
|
"Intel" şirkəti dünyanın ən sürətli fləş-kartını
hazırlayıb |
"Intel"
şirkəti dünyada ən sürətli fləş-kartı nümayiş
etdirib. Şirkət "Thunderbolt" texnologiyasından
istifadə etməklə digər USB fləşlərdən fərqli
olaraq məlumatların ötürülmə sürətində əsl
sıçrayışa nail ola bilib. Intel "Computex"
sərgisində kompüterə "Thunderbolt" portu
vasitəsilə birbaşa qoşulan 128 Qb həcmli
fləş-diskin prototipini təqdim edib. Yeni
daşıyıcı ölçüsünə görə ənənəvi USB
fləş-disklərini xatırladır. Bu fləş-kart
"Thunderbolt" interfeysindən istifadə əsasında
hazırlanan ilk fləş-disklərdən biridir.
|
|
"Microsoft"un yeni proqramları |
"Microsoft"
şirkəti "Surface" internet-planşetləri üçün yeni
proqramlar dəsti təqdim edib. Yeni proqramlar
"Touch Cover" və "Typer Cover" versiyalarının
məhsuldarlığını artırmaqla kameraların işini
yaxşılaşdırıb. Bundan başqa, yeni dəst
yenilənmiş "Wi-Fi" və "Bluetooth" drayverlərinə
malikdir. Burada eyni zamanda sistemin ümumi
stabilliyi artırılıb və akkumulyatorun qüvvə
ehtiyatı azaldılıb. |
|
"Google" şirkəti Chrome 27 proqramını istifadəyə
verib |
"Google"
şirkəti Windows, Mac və Linux əməliyyat
sistemlərinin Chrome brauzerinin yeni
versiyasını istifadəyə verib. Əvvəlki versiya
ilə müqayisədə Chrome 27-nin sürəti təxminən 5%
artıb, həmçinin bir sıra çatışmazlıqlar aradan
qaldırılıb. Brauzerin daha ləng işləyən
məqamlarında - sənədlərin çapa verilməsi və
videoların emalı zamanı özünü göstərir.
Həmçinin Chrome 27-də veb-proqramlara istifadəçi
məlumatlarını Google Drive-də saxlanılan
məlumatlar ilə sinxronlaşdırmağa imkan verən API
chrome.syncfilesystem sistemi yenilənib. |