Javascript DHTML Drop Down Menu Powered by dhtml-menu-builder.com

ARXİV

31 Yanvar 2014 - №04

 

Xəzər Universitetində Tempus layihəsinin icrasına başlanılıb

 

 Xəzər Universitetində "Əlilliyi olan insanların Azərbaycanın ali təhsil müəssisələrinə inteqrasiyasının təməlinin qoyulması" adlı Tempus layihəsinin icrasına başlanmışdır.

Xəzər Universitetindən AzərTAc-a bildirmişlər ki, layihənin əsas məqsədi Təhsil və Əmək və Əhalinin Sosial Müdafiəsi nazirliklərinin dəstəyi ilə əlilliyi olan insanların Azərbaycanın ali təhsil müəssisələrinə inteqrasiyasını sürətləndirmək və bu sahədə Avropa təcrübəsini universitetlərdə tətbiq etməkdir.

Bu münasibətlə keçirilən ilk görüşdə Xəzər Universitetinin təsisçisi, direktorlar və qəyyumlar şurasının sədri, professor Hamlet İsaxanlı layihə və onun ölkəmiz üçün əhəmiyyətindən danışmışdır.   Əmək və Əhalinin Sosial Müdafiəsi Nazirliyinin sektor müdiri İsgəndər Mustafayev Xəzər Universitetinin kollektivini bu münasibətlə təbrik etmiş və təmsil etdiyi qurumun layihənin gələcək fəaliyyətlərinə dəstək olacağını vurğulamışdır.

Azərbaycanda Milli Erasmus+ ofisinin rəhbəri Pərviz Bağırov "Erasmus Plus"un yeni imkanları barədə məlumat vermişdir.

Tədbirdə digər çıxış edənlər də layihəni yüksək qiymətləndirmiş, onun idarə edilməsi və tərəfdaşların rolu haqqında danışmışlar. Avropa İttifaqının tərəfdaşları bu sahədə təcrübələrini bölüşmüşlər.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov