Javascript DHTML Drop Down Menu Powered by dhtml-menu-builder.com

ARXİV

21 Fevral 2014 - №07

 

Texnoparklar sahibkarlığı dəstəkləyir

 

Qafqaz Universitetində "Sahibkarlığın stimullaşdırılmasında texnoparkların rolu" mövzusunda aparılmış tədqiqatın nəticələrinin təqdimatı olub. Tədqiqatı universitetin Sahibkarlığın İnkişafı və Tədqiqatları Mərkəzinin formalaşdırdığı qrup həyata keçirib. Tədqiqat qrupu bu məqsədlə Avropa, Asiya və postsovet ölkələri arasından seçilmiş Finlandiya, İsveç, İtaliya, Türkiyə, Yunanıstan, Tayvan, Yaponiya, Sinqapur, Rusiya və Qazaxıstanın təcrübəsini öyrənib.

Qafqaz Universiteti Texnoparkı idarə heyətinin sədri dr.Şahin Durmaz, texnoparkın direktoru dr.İsa Qasımov və ABŞ əsaslı konsaltinq şirkətinin (J.E.Austin Associates, İnc.) nümayəndəsi Mike Duckerin iştirak etdikləri təqdimat mərasimində tədqiqatın nəticələri Qafqaz Universitetinin fakültə nümayəndələri ilə paylaşılıb.

Tədqiqatda texnoparkların yaradılmasına dövlət dəstəyinin vacibliyi, texnologiya əsaslı şirkətlərin qurulmasını stimullaşdırmaq üçün texnoparklara hüquqi və təşkilatı kömək göstərilməsinin əhəmiyyəti vurğulanıb. Bildirilib ki, müxtəlif ölkələrdəki fərqli texnoparkların həcmi, maliyyə mənbələri, tərkibindəki şirkətlərin böyüklüyü və ixtisaslaşdığı sahələr kimi xüsusiyyətlər tədqiqatın əsas obyekti olub. Texnoparkların uğur göstəriciləri təhlil edilib. Bu göstəricilərə  texnoparklardakı şirkətlərin aldığı patentlərin sayı, gəlirlərinin artım səviyyəsi və işçilərin sayı daxil edilib.

Təqdimatın sonunda mərasim iştirakçılarını maraqlandıran suallar cavablandırılıb, Azərbaycanda texnoparkların inkişafı strategiyasının formalaşdırılması ilə bağlı müzakirə aparılıb. 

Yusif ƏLİYEV,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov