|
Naxçıvan Dövlət Universitetində Bolonya prosesinin
problemləri və perspektivləri mövzusunda tədbir
keçirilib.
Tədbiri giriş sözü ilə açan universitetin rektoru,
biologiya elmləri doktoru, professor Saleh Məhərrəmov
çıxışına Azərbaycan Respublikasının Prezidenti İlham
Əliyevin sözləri ilə başlayıb: "Naxçıvan Dövlət
Universiteti yüksək ixtisaslı kadrların yetişdirilməsinə
və elmi mühitin formalaşmasına öz müsbət təsirini
göstərmişdir!". Müstəqil təhsil sistemini yaratmaq və
onun səviyyəsini yüksəltmək istiqamətində aparılan
axtarışlar onu Bolonya prosesinə qoşulmağa gətirib
çıxardı. Naxçıvan Dövlət Universitetinin 2009-cu ildən
Bolonya prosesinə qoşulduğunu bildirən rektor "Ali
təhsil müəssisələrinin bakalavriat və magistratura
səviyyələrində kredit sistemi ilə tədrisin təşkili
Qaydaları"nda edilən bəzi dəyişiklikləri də tədbir
iştirakçılarının nəzərinə çatdırıb.
Universitetin tərbiyə işləri üzrə prorektoru, fəlsəfə
elmləri doktoru, professor Məmməd Rzayev "Bolonya
prosesi və tələbə gənclik" mövzusundakı çıxışında
Bolonya prosesinin Azərbaycan təhsil sisteminə
inteqrasiyasının sürətləndirilməsini, xarici dövlətlərin
bu sahədə təcrübəsini öyrənmək və onlarla qarşılıqlı
əməkdaşlıq etməyin zəruri olduğunu bildirib.
Sonda tələbələrin təklifləri dinlənilib.
Mina QASIMOVA,
NDU-nun Mətbuat şöbəsinin əməkdaşı |
