Bakıdakı
C.Nurməmmədov adına 108 nömrəli tam orta məktəbdə
Beynəlxalq Ana Dili Günü münasibətilə şeir müsabiqəsi
keçirildi. Mərasim Azərbaycan Respublikasının Dövlət
himninin səsləndirilməsi ilə başlandı.
Tədbiri X sinif şagirdi Ədilə Ələkbərova açaraq
Beynəlxalq Ana Dili Gününün keçirilməsi tarixi barədə
məlumat verib.
Dünyada məhv olmaq təhlükəsi ilə üzləşən dillərin
qorunması məqsədilə hər il keçirilən Beynəlxalq Ana Dili
Günü hər kəsə öz doğma dilinin varlığını hiss etmək,
onunla qürur duymaq, onu qorumaq, inkişaf etdirmək
hüququ olduğunu bir daha xatırladır.
Sonra məktəbin şagirdləri korifey sənətkarlarımız
B.Vahabzadə, N.Xəzri, T.Bayram, Şəhriyar və digər
müasirlərimizin şeirlərini məharətlə söylədilər.
Məktəbin tərbiyə işləri üzrə direktor müavini Rəhilə
Hüseynova, Həmkarlar İttifaqı təşkilatının rəhbəri
Amaliya Ələkbərova, ədəbiyyat müəllimləri Rəna
Süleymanova, Natavan Nəcəfova, UBR-nin rəhbəri İlahə
Məlikova və başqaları istedadlı şagirdlərin üzə
çıxarılması, onların intellektual səviyyəsinin
yüksəldilməsində belə tədbirlərin əhəmiyyətindən
danışdılar.
IV sinif şagirdi Samirə Məmmədova, V sinif şagirdi
Əlizaman Əzimlinin söylədikləri şeirlər daha çox
yaddaqalan oldu. Sonda qaliblər elan olundu.
Bu gün dilimizin dövlət statuslu dillər arasında
olmasına görə, dilimizin mənəvi dirilik atributuna
çevrilməsi yolunda böyük fədakarlıqlar göstərmiş,
"Dilimiz çox zəngin və ahəngdar dildir, dərin tarixi
köklərə malikdir. Şəxsən mən öz ana dilimi çox sevir və
bu dildə danışmağımla fəxr edirəm" deyən ümummilli
lider Heydər Əliyevə minnətdar olmalıyıq.
Ana dilimizi qorumaq və inkişaf etdirmək hamımızın
borcudur!
Samirə DADAŞOVA,
Bakıdakı 108 nömrəli tam orta məktəbin Azərbaycan dili
və ədəbiyyat müəllimi |