Javascript DHTML Drop Down Menu Powered by dhtml-menu-builder.com

ARXİV

4 Aprel 2014 - №12

 

"İlyas Əfəndiyev yaradıcılığının bədii-estetik xüsusiyyətləri" mövzusunda seminar keçirildi

 

Martın 31-də  Azərbaycan Dillər Universitetinin (ADU) filologiya və jurnalistika fakültəsinin  Azərbaycan dili və ədəbiyyatı kafedrasının dosenti Dilbər Zeynalovanın təşkilatçılığı ilə "İlyas Əfəndiyev yaradıcılığının bədii-estetik xüsusiyyətləri" mövzusunda seminar keçirildi. Seminarda  Azərbaycan dili və ədəbiyyatı kafedrasının müdiri, professor Fəridə Səfiyeva və 345-347-ci qrupun tələbələri iştirak edirdilər. Tədbiri giriş sözü ilə açan dosent Dilbər Zeynalova  seminarın  Azərbaycan Respublikasının Prezidenti  İlham Əliyevin "İlyas Əfəndiyevin 100 illik yubileyinin keçirilməsi haqqında" 16 yanvar 2014-cü il tarixli sərəncamına əsasən keçirildiyini bildirdi.  Qeyd edildi ki,  yazıçının bədii nailiyyətlərlə zəngin irsi ədəbiyyatımızda yeni mərhələnin təşəkkülünə səmərəli təsir göstərib. Azərbaycan teatr səhnəsinin müasir simasının formalaşmasında İlyas Əfəndiyev dramaturgiyasının özünəməxsus yer tutduğu diqqətə çatdırıldı. Vurğulandı ki, ədib  "Xurşidbanu Natəvan", "Şeyx Məhəmməd Xiyabani", "Hökmdar və qızı" və s. tarixi dramları ilə xalqımızın milli azadlığı və müstəqilliyi uğrunda apardığı mübarizənin, istiqlal məfkurəsinin, azadlıq hərəkatının, milli birliyin və müstəqilliyin bədii tərənnümçüsünə çevrildi.

Seminarda İlyas Əfəndiyevin həyat və yaradıcılığından bəhs edən slayd nümayiş olundu.

Görkəmli dramaturqun yaratdığı obrazların bədii xüsusiyyətləri tələbələr tərəfindən müzakirə edildi, ədibin yaradıcılığı ilə bağlı geniş fikir mübadiləsi aparıldı. 

ADU-nun İctimaiyyətlə əlaqələr departamenti

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov