Tofiq Bəhramov adına Respublika stadionunda keçirilən
yeniyetmələr arasında atletika üzrə Avropa təsnifat
turnirinə iyunun 1-də yekun vurulub. Azərbaycan millisi
bu turnirdə 1 qızıl medal qazanıb.
Oğlanlar arasında üç təkanla tullanma yarışlarında
atletimiz Nazim Babayev 16,14 metr nəticə ilə fəxri
kürsünün ən yüksək pilləsinə qalxıb. Bu möhtəşəm
qələbəsi ilə idmançımız həmçinin bu ilin avqustunda
Çinin Nanjinq şəhərində keçiriləcək yeniyetmələrin II
Olimpiya Oyunlarına lisenziyanı təmin edib. Turnirin
gümüş medalçısı ukraynalı Aleksandr Malosilov, bürünc
medalın mükafatçısı isə italiyalı Tobia Boççi olublar.
Sifai SƏFƏROVA,
"Azərbaycan müəllimi" |