Javascript DHTML Drop Down Menu Powered by dhtml-menu-builder.com

ARXİV

20 İyun 2014 - №23

 

Gəncə Dövlət Universitetində elmi-praktik konfrans

 

Böyütmək üçün şəkili seçinİyunun 13-də  Gəncə Dövlət Universitetində 15 iyun Milli Qurtuluş Günü münasibətilə "Milli Qurtuluş Günü çağdaş tariximizin dönüş nöqtəsidir" mövzusunda elmi-praktik konfrans keçirildi.

Konfransı giriş sözü ilə açan universitetin tərbiyə işləri üzrə prorektoru Asif Cavadov iştirakçıları Qurtuluş günü münasibətilə təbrik etdi. Qeyd edildi ki, 15 iyun tarixi xalqını, vətənini sevən hər bir vətəndaş üçün əzizdir, dəyərlidir. 1993-cü ildə itirilməkdə olan müstəqilliyimizin nicatını böyük siyasətçi Heydər Əliyevdə görən xalqın təkidi ilə ulu öndərimiz yenidən respublika rəhbərliyinə qayıtdı. Onun qayıdışı siyasi-iqtisadi böhran içərisində boğulan Azərbaycanı fəlakətlərdən qurtardı. Ölkə vətəndaş müharibəsindən, iqtisadi-siyasi böhrandan xilas oldu.

Konfransda əməkdar müəllim, Azərbaycan tarixi kafedrasının baş müəllimi Mübariz Əliyev "Milli Qurtuluş Günü tariximizin şərəf səhifəsidir", ümumi tarix kafedrasının baş müəllimi Nərgiz Rəsulova "15 iyun vətənin xilası - xalqın qurtuluş günüdür", sosial fənlər kafedrasının baş müəllimi Qərənfil Ramazanova "Ümummilli lider Heydər Əliyevin xilaskarlıq missiyası" mövzusunda çıxış edərək o zaman ölkədə baş alıb gedən hərc-mərclikdə müstəqilliyimizin böyük bir təhlükə ilə üz-üzə qaldığından, Milli Orduda baş verən nizamsızlıqdan və bunun nəticəsi olaraq torpaqlarımızın işğala məruz qalmasından bəhs etdilər. Qeyd olundu ki, Azərbaycan həmin dövrdə dünyanın siyasi xəritəsindən silinmə təhlükəsi qarşısındaydı. O ağır günlərdə xalqın ümid çırağı yalnız Heydər Əliyev oldu.

Tarix-coğrafiya fakültəsinin dekanı, professor Həsənbala Sadıqov çıxışında ulu öndərin həyatını Azərbaycanın hərtərəfli inkişafına həsr etdiyini, məhz Heydər Əliyevin sayəsində Azərbaycan bayrağının dünya ölkələrinin bayrağı ilə birlikdə dalğalandığını dedi. Azərbaycanda ümummilli liderimizin ideyalarının, onun siyasi kursunun layiqli davamçısı, Azərbaycan Prezidenti İlham Əliyev tərəfindən bu gün uğurla davam etdirildiyi qeyd edildi. 

Mətbuat xidməti

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov