|
 Azərbaycan
Respublikası təhsil nazirinin 11 oktyabr 2013-cü il
tarixli əmrinə əsasən elan edilmiş "İctimai
təşəbbüslərin dəstəklənməsi üzrə layihə müsabiqəsi"
çərçivəsində "Gənclərin Sosial İnkişafına Dəstək" (GSİD)
İctimai Birliyinin qalib olduğu "Astara rayonunda
məktəbəqədər təhsil müəssisələrində çalışan pedaqoji
kadrların peşəkarlıq səviyyəsinin artırılması" layihəsi
uğurla başa çatmışdır. Astara rayonunun 16 məktəbəqədər
təhsil müəssisəsindən ümumilikdə 105 nəfər tərbiyəçi və
təhsili idarəedənlər (bağça müdirləri) 10 günlük
təlimlərdə uğurla iştirak etdilər. Qeyd edək ki,
tərbiyəçilər yeni məktəbəqədər kurikulum, onun strukturu
və prinsipləri, öyrənmə tərzləri, məzmun standartları,
perspektiv və cari planlaşdırma, fəal təlim forma və
üsulları, internet resursları və qiymətləndirmə haqqında
kifayət qədər nəzəri biliklər və praktiki bacarıqlar
əldə etdilər. Hər bir tərbiyəçi fəal məşğələ
hazırlayaraq şəhər 2 nömrəli uşaq bağçasında təcrübə
olaraq nümayiş etdirdilər. Tərbiyəçilərdə gələn tədris
ilindən məşğələlərin yeni fənn kurikulumları əsasında
qurulması üçün vizual olaraq təsəvvür və bacarıqlar
formalaşdı.
Onların hər birinə təşkilat tərəfindən iştirakçı
sertifikat təqdim edildi.
Rövşən BAĞIROV,
"Gənclərin Sosial İnkişafına Dəstək" İctimai Birliyinin
sədri, layihənin rəhbəri |
