"ADA" Universiteti və AzərTAc-ın birgə layihəsi olan
"Tələbə uğuru"nda bu dəfə universitetin MADİA magistr
proqramının 2014-cü il məzunlarından bəhs olunur.
İctimai Televiziyanın "Yeni gün" verilişində
yayımlanacaq növbəti reportajda "ADA" Universitetinin
rektoru, xarici işlər nazirinin müavini Hafiz Paşayev
məzunlara arzularını bildirir və universitetin
uğurlarından danışır. Həmçinin reportajda "ADA"nın MADİA
magistr proqramının 2014-cü il məzunları da arzularını
bölüşür.
Qeyd edək ki, 700-dən çox tələbənin, o cümlədən 28
ölkədən 48 əcnəbi vətəndaşın təhsil aldığı "ADA"
Universiteti özünün əsas məqsədini qlobal baxışlı
liderlər və məsuliyyətli vətəndaşlar yetişdirməsində
görür. Universitetin təhsil proqramları, tədris
metodikası dünyanın ən qabaqcıl təcrübəsinə əsaslanır.
Məzunlar dünyanın bir çox ölkələrində karyera uğurları
əldə etmişlər. |