Javascript DHTML Drop Down Menu Powered by dhtml-menu-builder.com

ARXİV

4 İyul 2014 - №25

 

Para-Taekvondo üzrə beşinci Dünya çempionatına yekun vurulub

 

Bu günlərdə Moskva şəhərində təşkil edilən Para-Taekvondo üzrə gənclər arasında  5-ci Dünya çempionatına start verildi.  Azərbaycan Taekvondo Federasiyasından aldığımız məlumata görə,  40 ölkənin qatıldığı çempionatın ilk günü millimizin 6 üzvü - Rövşən Qəhrəmanlı (61 kq), Sarvan Məmmədov (61 kq), İmaməddin Xəlilov (61 kq), Rövşən Rzayev (75 kq), Bahar Şıxəliyeva (49 kq) və Aynur Məmmədova (58 kq) tatami üzərinə çıxıb.

Belə ki, Rövşən Rzayev (75 kq) və Sarvan Məmmədli (61 kq) ilk döyüşdən məğlub ayrılaraq yarışla erkən vidalaşıb. Digər taekvondoçularımızdan İmaməddin Xəlilov (61 kq) Andres Fontanı (CRC) məğlub etsə də zədə səbəbindən növbəti çıxışını davam edə bilməyib. Rövşən Qəhrəmanlı (61 kq) maraqlı keçən qarşılaşmada Rusiya idmançısı Vitali Nazarenkoya qalib gəlsə də İsmayıl İbrahimova (Rusiya) məğlub olaraq çempionatda çıxışına son vurub.

Qadın taekvondoçulardan Bahar Şıxəliyeva (49 kq) rusiyalı rəqibini məğlub edərək finala vəsiqəni təmin edib. Finalda Busra Gorlə (Türkiyə) qarşılaşan millimizin üzvü hesabda irəlidə olsa da, döyüşün sonunda qələbəni əldən verərək gümüş medala layiq görülüb. Eləcə də Aynur Məmmədova (58 kq) Türkiyə təmsilçisinə qalib gələrək final mərhələsinə adlasa da qızıl medal uğrunda Danimarka idmançısı Lisa Gjessingə məğlub olaraq ikinci yerlə kifayətlənib. Beləliklə, millimizin aktivinə daha 2 gümüş medal əlavə edilib.

 
 
 
Səhifənin başına qalx "İdman" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov