|
İyunun 8-də Azərbaycanı və "Qəbələ" İdman Klubunu
peşəkar boksda təmsil edən Fariz Məmmədov Avropa
çempionluğu uğrunda revanş döyüşündən qalib ayrılıb.
Boks Federasiyasından aldığımız məlumata görə,
həmyerlimiz "WBCA" və "WBO" versiyaları üzrə Avropa
kəmərinə sahib olmaq üçün alman təmsilçisi Mattias
Pelklə döyüşüb.
F.Məmmədov dördüncü raundda rəqibini texniki nokauta
salaraq "WBO" və "WBCA" versiyaları üzrə Avropa kəmərinə
sahib çıxıb.
Xatırladaq ki, Fariz Məmmədovla Mattias Pelk ötən ilin
dekabr ayında Qəbələdə üz-üzə gəlmişdi. Təmsilçimiz ağır
zədə səbəbindən yarışı yarımçıq dayandırmış və texniki
məğlubiyyət almışdı. Buna səbəb Farizin hələ döyüşdən
əvvəl bir qabırğasının sınması olmuşdu.
Rəşad RAMAZANOĞLU,
"Azərbaycan müəllimi" |
