Javascript DHTML Drop Down Menu Powered by dhtml-menu-builder.com

ARXİV

25 İyul  2014 - №28

 

Azərbaycan müəllimləri Sankt-Peterburqda keçirilən elmi-praktik konfransda iştirak ediblər

 

Böyütmək üçün şəkili seçinBu günlərdə Rusiyanın Sankt-Peterburq şəhərində "Distant təhsil: gələcəyə baxış" adlı IV elmi-praktik konfrans keçirilib. Konfransın təşkilatçıları Şoloxov adına Moskva Dövlət Humanitar Universitetinin Təhsilin İnformasiyalaşdırılması İnstitutu, Müasir Təlim Texnologiyaları Mərkəzi, mədəniyyətlərarası və çoxdillilik kommunikasiyası üzrə Beynəlxalq elmi metodik şura, Rusiya Dövləti Hidrometeorologiya Universiteti və s. ali təhsil ocaqlarıdır. Konfransın ilk günü Rusiyanın "Distant Təhsil" kompaniyasınn baş direktoru  Svetlana Pavlova tərəfdaşları və təşkilatçıları adından gələn qonaqları salamlayaraq tədbirin açılışını elan edib, sonra isə sözü çıxışçılara verib. Konfransın birinci günü Moskva Dövlət Humanitar Universitetinin Təhsilin İnformasiyalaşdırılması İnstitutunun direktoru, pedaqogika elmləri namizədi Marina Efimovna Vayndorf "Texnologiyaların müasir tədrisə uyğunlaşdırılması" mövzusunda çıxışı dinlənildi. Sonra "Yaklass" kompaniyasından maraqlı təqdimat olub.

Rusiyanın Müasir Təhsil Texnologiyaları Mərkəzinin direktoru Serqey Bulanov "Kompetensiya. Yeniləmə" adlı mövzuda məruzə ilə çıxış edib. Fasilədən sonra Rusiyanın ali təhsil ocaqlarından, orta məktəblərindən gələn müəllimlərə çıxış üçün söz verilib.

Konfransın ikinci günü Təhsil Problemləri İnstitutunun Beynəlxalq əməkdaşlıq və informasiya şöbəsinin müdiri, respublikanın əməkdar müəllimı Almaz Həsrət "Müəllimlərin ixtisasartırılmasında distant təhsilin rolu" mövzusunda təqdimat-məruzə ilə çıxış edib. Məruzə vörkşop xarakterli idi. Çıxış konfrans iştirakçıları tərəfindən çox bəyənilib. 4 gün ərzində davam edən elmi-praktik konfrans internetdə sosial şəbəkədə yaradılmış ayrıca eyniadlı Facebook (yazılı) səhifəsində və canlı izləmək üçün isə Youtube-la yayımlanıb.

Təqdimatın sonunda konfrans iştirakçılarını Azərbaycan təhsil sistemi ilə bağlı maraqlandıran bütün suallar Almaz Həsrət tərəfindən cavablandırılıb. Konfrans iştirakçıları Azərbaycanın təhsil sistemində olan inkişafyönümlü uğurları barədə eşitdiklərinə görə "Distant Təhsil"ə dair keçiriləcək növbəti konfransın məhz Azərbaycanda olmasını arzuladılar. Həm Azərbaycanla daha yaxından, həm də uğurla davam edən təhsil sistemi ilə yerindəcə tanış olmaqdan ötrü Bakıya gəlmək istədiklərini bildiriblər.

Rusiyanın kreativ təhsil layihələri üzrə direktorunun müşaviri, professor Aleksandr Sergeyeviç Prutçenko təhsilverən və təhsilalanların məktəb-idarəetmə layihələri barədə geniş məruzə ilə çıxış edib. Çıxışların sonunda çox zəngin müzakirələr aparılıb.

Konfransın sonrakı günlərində dünya təhsil sistemində distant təhsil və onun son nailiyyətləri ilə bağlı çox geniş maraqlı təqdimatlar olub, mövzular ətrafında müzakirələr aparılıb. Distant təhsil tətbiq olunmuş ölkələrdə onun nəticələrinin araşdırılmasına dair müəllimlərin özlərinin praktik işləri də təqdimatlarla nümayiş etdirilib.

Konfransa Azərbaycandan  İlham Vəliyev (Bakı şəhəri, 264 nömrəli tam orta məktəbin fiziki tərbiyə müəllimi), Rövşən Bağırov (Astara rayonu, N.Əliyev adına Maşxan orta məktəbinin tarix müəllimi), Vəfa Vəliyeva (Bakı şəhəri, 189 nömrəli tam orta məktəbin informatika müəllimi), Könül Təhməzova (Bakı şəhəri, Bülbül adına orta məktəbin ibtidai sinif müəllimi)  qatılıblar.

Elmi-praktik konfransda müəllimlərin distant təhsilə keçidlə bağlı tədris proseslərində peşəkarlıqlarının artırılmasına dair "ustad dərslər" də verilib. Dərslərin darıxdırıcı mühitdən müasir şagirdlərin maraqlarına uyğun olan fəal dərsə necə çevirməyin yolları və mexanizmlərinin də araşdırılması, bu sahədə görülən işlər və əldə olunmuş nəticələr barədə maraqlı müzakirələr və diskussiyalar da aparılıb, çoxlu çıxışlar olub.

Sonda konfrans iştirakçılarına sertifikatlar təqdim edilib. 

Ramal İBRAHİMOV,

Səbinə İSMAYILOVA,
BDU-nun jurnalistika fakültəsinin I kurs tələbələri

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov