Türkiyə Diyanət Vəqfi Bakı Türk Liseyinin məzunları bu
il ali məktəblərə qəbul imtahanlarında lisey və ölkə
üzrə rekord nəticə göstəriblər.
Lisey direktoru Kadir Bektaşoğlunun verdiyi məlumata
görə, bu il liseyin iki məzunu - 1-ci ixtisas qrupu üzrə
Fatimeyizəhra Nəbizadə və 2-ci ixtisas qrupu üzrə isə
Samir Rzayev 700 bal toplayıb.
Ümumilikdə bu il məktəbi bitirən 100 məzundan 62
nəfəri (62%) 600-dən, onların 29 nəfəri isə 650-dən çox
bal toplayıb.
Lisey direktorunun məlumatına görə, 1-ci ixtisas qrupu
üzrə imtahan vermiş 21 məzundan 13 nəfəri (62%), 2-ci
ixtisas qrupu üzrə imtahan vermiş 45 məzundan 23 nəfəri
(49%), 3-cü ixtisas qrupu üzrə imtahan vermiş 13
məzundan 9 nəfəri (69%) və 4-cü ixtisas qrupu üzrə
imtahan vermiş 21 məzundan 18 nəfəri (86%) 600-dən çox
bal toplayıb.
Kadir Bektaşoğlu builki nəticələrin lisey təhsil
tarixində rekord olduğunu, yüksək nəticə göstərən
məzunları ürəkdən təbrik etdiklərini, ayrıca əziyyət
çəkən fədakar müəllim kollektivinə, valideynlərinə və
təhsil fəaliyyətlərində özlərinə hər cür dəstək verən
rəsmi qurum və idarələrə minnətdar olduqlarını bildirdi.
Məlumat üçün bildirək ki, liseyin daha əvvəlki (2009,
2010, 2012-ci illər) illərdə 6 məzunu 700 bal
toplayıb.
Y.ƏLİYEV,
"Azərbaycan müəllimi" |