Bolqarıstanın Plovdiv şəhərində keçirilən şahmat üzrə
qadınlar arasında Avropa çempionatında 7-ci turun
görüşləri başa çatıb. 7-ci turda 1 nömrəli
İxtisaslaşdırılmış Olimpiya Ehtiyatları Uşaq-Gənclər
Şahmat-Dama İdman Məktəbinin təcrübəli şahmatçılarından
olan Günay Məmmədzadə Fransa təmsilçisi Sofie Milliet
üzərində qələbə qazanaraq 5 xalla 8-ci pilləyə yüksəlib.
İdman məktəbinin direktoru Natiq Ələkbərovdan aldığımız
məlumata görə, digər təmsilçimiz Gülnar Məmmədova isə
rus şahmatçısı Diana Balenkanı məğlubiyyətə uğradıb. Bu
turda Səbinə İbrahimova, Nərmin Xələfova və Nərmin
Məmmədova da aktivlərinə 1 xal yazmağa nail olublar.
Türkan Məmmədyarova, Nərmin Kazımova və Aytən Əmrayeva
isə rəqibləri ilə xalları yarı bölüblər.
Beləliklə, 7-ci turdan sonra Günay Məmmədzadə 5 xal,
Gülnar Məmmədova 4.5 xal, Xəyalə Abdulla, Türkan
Məmmədyarova və Nərmin Kazımova 4 xal, Səbinə İbrahimova
və Nərmin Xələfova 3.5 xal, Aytən Əmrayeva və Nərmin
Məmmədovanın 3 xal və Nərmin Söyünlünün aktivində isə
1.5 xalı var. Rusiya şahmatçısı Valentina Qunina 6.5
xalla turnirin yeganə lideridir. |