Avqustun 13-dən 18-dək Azərbaycan Dövlət İqtisad
Universitetinin "İnactus" komandası Qazaxıstanın Almatı
şəhərində keçirilən "İnactus Summer Camp" layihəsində
iştirak edib. Komandada universiteti İnnovativ Biznes
İnkubatorunun direktoru Mircavid Həsənov və xüsusi
istedadlar fakültəsinin III kurs tələbəsi Seymur
Məmmədov təmsil ediblər.
Layihədə Azərbaycan ilə yanaşı, Rusiya, Hollandiya,
İspaniya, Hindistan, Qazaxıstan və Çilidən olan
komandalar iştirak ediblər. Ölkəmizi təmsil edən heyətin
tərkibi Azərbaycan Respublikası Təhsil Nazirliyi, "İnactus
Azərbaycan", Azərbaycan Dövlət İqtisad Universiteti,
Azərbaycan Dövlət Aqrar Universiteti və Azərbaycan
Dövlət Dəniz Akademiyasının əməkdaşları və
tələbələrindən ibarət olub.
"İnactus Summer Camp" layihəsi çərçivəsində biznes
mövzusunda müxtəlif təlimlər, "ustad dərsləri", eləcə
də gənclərin asudə vaxtlarını maraqlı keçirmələri üçün
əyləncəli müsabiqələr təşkil olunub.
Təlimlərin keçirilməsində əsas məqsəd gənclərin
komandada işləmə vərdişlərini təkmilləşdirmək, liderlik
və qərar qəbuletmə, biznesyönümlü ideyaların
layihələndirilməsi, innovativ və effektli idarəetmə
mövzularında biliklərin artırılmasıdır.
İştirakçı ölkələrin milli təqdimat gecəsində Azərbaycan
dövlətçiliyi, iqtisadiyyatı, mədəniyyəti və mətbəxini
əks etdirən videotəqdimatla çıxış edən ADİU-dan olan
heyət xüsusi aktivliyi ilə fərqlənib.
Hicran ƏKBƏROVA,
"Azərbaycan müəllimi" |