Javascript DHTML Drop Down Menu Powered by dhtml-menu-builder.com

ARXİV

12 Sentyabr 2014 - №35

 

Təhsil yarmarkasında 108 nəfərə işə göndəriş verilib

 

Naxçıvan şəhərində təhsil yarmarkası keçirilib. AzərTAc xəbər verir ki, şəhərdəki 7 nömrəli tam orta məktəbdə keçirilən tədbiri Naxçıvan Muxtar Respublikasının təhsil naziri Piri Nağıyev açaraq dövlətimizin təhsilə göstərdiyi diqqət və qayğıdan danışıb.

Bildirilib ki, muxtar respublikanın təhsil sahələri üzrə boş iş yerlərinin uçotu aparılıb və müəyyən edilib ki, hazırda muxtar respublikada 26 Azərbaycan dili və ədəbiyyat, 59 xarici dil, 35 riyaziyyat, 23 informatika, 26 tarix, 43 coğrafiya, 31 fizika, 30 kimya, 24 biologiya, 41 ibtidai sinif müəlliminə ehtiyac var. Ona görə də bu təhsil yarmarkası məktəblərin pedaqoji kadrlarla təminatı işində mühüm əhəmiyyət kəsb edəcək.

Təhsil müəssisələrinin maddi-texniki bazasının yüksək səviyyədə qurulduğunu qeyd edən təhsil naziri deyib ki, muxtar respublikanın ümumtəhsil müəssisələrinə 3409 dəst kompüter verilib, bu təhsil ocaqlarında 600-ə yaxın ən müasir elektron lövhə quraşdırılıb. Muxtar respublika rəhbərinin diqqət və qayğısı ilə artıq ənənəvi olaraq keçirilən təhsil yarmarkaları Naxçıvanda təhsilin keyfiyyət və kəmiyyətcə inkişaf etdirilməsinə əhəmiyyətli dərəcədə köməklik edib.

İşaxtaran vətəndaş Ceyhun Abdullayev təhsil yarmarkasının keçirilməsinin böyük əhəmiyyət daşıdığını söyləyib, bu işdə əməyi olanlara minnətdarlığını bildirib.

Naxçıvan Muxtar Respublikasının əmək və əhalinin sosial müdafiəsi naziri Cavid Səfərov muxtar respublikada məşğulluq məsələlərinin həlli ilə bağlı həyata keçirilən tədbirlərdən bəhs edib.

Təhsil yarmarkasında 108 nəfərə işə göndəriş verilib.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov