|
Sentyabrın 9-da Avstriyanın Vyana Universitetinin bir
qrup müəllim və tələbəsi Bakıya səfər çərçivəsində
Azərbaycan Respublikası Dövlət Neft Şirkətinin (ARDNŞ)
muzey eksponatlarının saxlanılması və bərpası Mərkəzində
olub.
ARDNŞ-in mətbuat xidmətindən AzərTAc-a bildiriblər ki,
şirkətin muzey işinin təşkili şöbəsi tərəfindən təşkil
edilən ekskursiya zamanı professor Gerhard Strohmeierin
rəhbərlik etdiyi qrupa Azərbaycanda neft sənayesinin
tarixi haqqında ətraflı məlumat verilib.
Avstriyalı qonaqlar burada eksponatlarla tanış olub,
Azərbaycanda neft hasilatı ilə bağlı maraqlı faktlar
öyrəniblər. Onları maraqlandıran çoxsaylı suallara
peşəkar səviyyədə müfəssəl cavablar verilib.
Ekskursiya zamanı Nobel qardaşlarının Azərbaycandakı
fəaliyyəti haqqında interaktiv rəqəmsal ekspozisiya da
nümayiş etdirilib. ARDNŞ-in Avstriya nümayəndəliyinin
dəstəyi ilə Azərbaycana səfər edən avstriyalı qonaqlar
yüksək səviyyədə təşkil olunan ekskursiyaya görə şirkət
rəhbərliyinə təşəkkürlərini bildiriblər. Onların qədim
şəhərlərimizdən olan Şəkiyə də səfəri təşkil edilib.
|
