|
Azərbaycan Texniki Universiteti Türkiyənin beş ali
məktəbi ilə "Mövlanə" Mübadilə Proqramı çərçivəsində
əməkdaşlığa başlayıb. Universitetin mətbuat xidmətindən
aldığımız məlumatda bildirilir ki, bir qrup tələbə bu
il təhsilini Türkiyənin nüfuzlu ali məktəblərində davam
etdirəcək.
Türkiyənin ali təhsil qurumları ilə dünyanın digər
ölkələrinin ali təhsil müəssisələri arasında tələbə və
müəllim mübadiləsini həyata keçirən "Mövlanə" Mübadilə
Proqramına (Mevlana Değişim Programı) uyğun olaraq
AzTU-nun tələbələrinə qardaş ölkədə təhsil almaq imkanı
yaradılıb. Eyni zamanda, Türkiyə universitetlərinin
tələbə və müəllimləri də bu proqram çərçivəsində
ölkəmizdə təhsil almaq və tədris prosesində iştirak
etmək hüququ əldə ediblər.
Proqrama qoşulmaq üçün Türkiyənin müvafiq
universitetləri ilə müqavilələr imzalanıb.
Şakir CƏFƏROV,
"Azərbaycan müəllimi" |
