Javascript DHTML Drop Down Menu Powered by dhtml-menu-builder.com

ARXİV

19 Sentyabr 2014 - №36

 

AMİ-də "Bilik Günü" keçirilib

 

Böyütmək üçün şəkili seçinSentyabrın 15-də Azərbaycan Müəllimlər İnstitutunda (AMİ) "Bilik Günü" və 2014-2015-ci tədris ilinin başlanması münasibətilə tədbir keçirilib. AMİ-nin rəhbərliyi, professor-müəllim heyəti, tələbə və valideynlər institutun nəzdində fəaliyyət göstərən Heydər Əliyev Mərkəzini ziyarət ediblər, ulu öndərin büstü önünə əklil qoyulub.

AMİ-nin rektoru, professor Aqiyə Naxçıvanlı çıxış edərək institutun bütün professor-müəllim heyəti və tələbələrini yeni dərs ilinin başlanması münasibətilə təbrik edib və onlara uğurlar arzulayıb. Rektor qeyd edib ki, bu gün hər kəsin həyatında çox əlamətdar bir gündür. Ümummilli liderimiz Heydər Əliyev təhsili millətin gələcəyi adlandırırdı, Azərbaycanın gələcəyini gənclərdə görürdü. Bildirilib ki, bu gün cəmiyyətdə vətənpərvər, savadlı gənclərin yetişdirilməsində müəllimlərin üzərinə böyük vəzifə düşür. Bu baxımdan da təhsilin, xüsusilə də məktəbin, müəllimin rolu böyükdür.

Rektor vurğulayıb ki, ulu öndər Heydər Əliyev həmişə müəllim əməyini yüksək qiymətləndirmiş, "Mən müəllimdən yüksək ad tanımıram" söyləmişdir. Bu, müəllimlərə verilən ən yüksək qiymətdir. Hazırda dövlət başçısı cənab İlham Əliyev ulu öndərimizin əsasını qoyduğu elm və təhsil ənənələrini uğurla davam etdirir. Ölkəmizdə dünyanın inkişaf etmiş təhsil sistemlərinə uyğun islahatlar həyata keçirilir, təhsilə, müəllimlərə, tələbələrə dövlət qayğısı daim artır.

Professor A.Naxçıvanlı bu il, eyni zamanda əlamətdar bir hadisənin - Azərbaycan Müəllimlər İnstitutunun yaradılmasının 85 illiyinin qeyd olunacağını bildirib, institutun yubiley ilində qəbul olmuş bütün tələbələrin digər tələbələr kimi yüksək təhsil alacaqlarına, uğurlar qazanacaqlarına və ən əsası dövlətçiliyimizə sadiq olan layiqli vətəndaş kimi formalaşacaqlarına inandığını qeyd edib. Tədbir açıq elan edildikdən sonra Dövlət himni səsləndirilib.

Sonra instituta müxtəlif ixtisaslar üzrə yüksək balla daxil olmuş bir neçə birinci kurs tələbəsi çıxış edərək öz təbriklərini çatdırıb, sevinclərini tədbir iştirakçıları ilə bölüşüb. Sosial iş ixtisasına ödənişli əsaslarla qəbul olan I kurs tələbəsi İlkin Əlisgəndərovun valideyni, 20 yanvar əlili, təqaüdçü Rauf Əlisgəndərov çıxış edərək Prezident cənab İlham Əliyev tərəfindən  imzalanmış və respublikamızın ərazi bütövlüyünün və müstəqilliyinin müdafiəsi zamanı əlil və həlak olmuş insanların uşaqlarının təhsil haqqının dövlət vəsaiti hesabına ödənilməsini nəzərdə tutan müvafiq sərəncamının bu kateqoriyadan olan insanlara və onların övladlarına böyük yardım olduğunu diqqətə çatdırıb.

Sonda instituta yüksək balla daxil olmuş bir qrup tələbəyə tələbə vəsiqəsi və ümummilli lider Heydər Əliyevə həsr olunmuş "Şəxsiyyətin qüdrəti" adlı kitab təqdim edilib.  

Mətbuat və informasiya şöbəsi

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov