|
Bakı şəhər Gənclər və İdman Baş İdarəsi və Xəzər
İntellektual Gənclər Klubunun birgə təşkilatçılığı ilə
Rəşid Behbudov adına Mahnı Teatrında "18
oktyabr-Müstəqillik günü" münasibətilə şagirdlər
arasında "Breyn-rinq" intellektual oyunu keçirilib.
Oyunda 16 komanda mübarizə aparıb. Nəticələrə görə I
yerə Yasamal rayonu "Onside" komandası, II yerə Nizami
rayonu "Zəngi" liseyi, III yerə Yasamal rayonu "Dəyanət"
liseyi layiq görülüblər.
Tədbirin keçirilməsində məqsəd Azərbaycan Gəncliyi
Dövlət Proqramı (2011-2015-ci illər)nın icrası,
yeniyetmələrin intellektual və mədəni səviyyəsini
inkişaf etdirmək, asudə vaxtlarının səmərəli təşkili,
mədəniyyətimizin, ədəbiyyatımızın, ana dilimizin,
dinimizin, torpağımızın tarixini daha da dərindən
oyrənmək, ümumbəşəri və milli dəyərlərə yiyələnmək,
dünyagörüşünü genişləndirməkdən ibarətdir.
Hazırladı: Rəşad RAMAZANOĞLU,
"Azərbaycan müəllimi" |
