Javascript DHTML Drop Down Menu Powered by dhtml-menu-builder.com

ARXİV

7 Noyabr 2014 - №43

 

"Bilik kuboku" uğrunda breyn-rinqin noyabr ayı üzrə ilk oyunu 

 

Noyabrın 2-də Təhsil Nazirliyi tərəfindən təsis olunmuş "Bilik kuboku" uğrunda breyn-rinq intellektual yarışının növbəti oyunu keçirilib. "Baku Crystal Hall"da keçirilən və AzTV kanalı ilə yayımlanan oyunda respublikamızın 15 bölgəsini təmsil edən 30 komandadan daha dördü iştirak edib. Bunlar "Bərdə", "Bakı Ali Neft Məktəbi", "Gəncə" və "Xızı" komandalarıdır. İlk seçim görüşündə "Bərdə" və "Bakı Ali Neft Məktəbi" qarşılaşıblar.

Bərabər səviyyədə keçən oyunda qalibi sonuncu sual müəyyənləşdirib. "Bakı Ali Neft Məktəbi" üstün gəlib - 5:4.

İkinci seçim görüşündə "Gəncə" və "Xızı" qüvvələrini sınayıblar. 5:3 hesabı ilə bitən görüş "Xızı"nı finala çıxarıb.

Oyunda iki final görüşü "Bakı Ali Neft Məktəbi" və "Xızı" arasında olub. Birinci görüşdə "Bakı Ali Neft Məktəbi" (5:3), ikincidə isə "Xızı" (5:0) qələbə qazanıb. Görüşlərin nəticəsi olaraq 1:1 hesabı qeydə alındığından noyabr ayı üzrə ilk finalçını müəyyən etmək üçün komandalara 1 əlavə sual verilib. "Bakı Ali Neft Məktəbi"nin kapitanı daha cəld tərpənib düyməni sıxdığından qalibiyyət onun komandasının tərəfində olub. Beləliklə, breyn-rinqin noyabr ayı üzrə ilk finalçısı müəyyənləşib. Ayın sonunda oyunların sponsoru "Nar Mobile"nin həmin ayın qalibinə verəcəyi data kartlar uğrunda mübarizənin dörd iştirakçısından biri "Bakı Ali Neft Məktəbi" olacaq. 

Yusif ƏLİYEV,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov