Javascript DHTML Drop Down Menu Powered by dhtml-menu-builder.com

ARXİV

7 Noyabr 2014 - №43

 

Ucarda xüsusi istedadlı uşaqlar "Kiçik Akademiya"lara cəlb olunub

 

Ucar Rayon Təhsil Şöbəsindən aldığımız məlumata  görə, yeni dərs ilinin ilk günlərindən rayonun ümumtəhsil məktəblərində işlərin düzgün təşkilinin istiqamətləndirilməsi məqsədi ilə rayon təhsil şöbəsinin metodmərkəzi 5 zona üzrə məktəblərin fənn birləşmə rəhbərləri, praktik psixoloqları, uşaq birliyi rəhbərləri ilə görüşlər keçirib. Görüşlərdə il çərçivəsində qarşıda duran vəzifələr və həmin vəzifələrin həyata keçirilməsi yolları geniş müzakirə edilib.Məktəblərdə fəaliyyət göstərən "Kiçik Akademiya"ların praktik fəaliyyətinin yaxşılaşdırılması istiqamətində işlərin təşkili, istedadlı şagirdlərin seçilib müəyyənləşdirilərək onların istedadının inkişaf etdirilməsi  diqqət mərkəzində olub.

Rayon üzrə öz xüsusi istedad və bacarığı ilə fərqlənən 120 şagird seçilərək "Kiçik Akademiya"lara cəlb edilib. Akademiyaların ayrı-ayrı bölmələri ilə işlərin aparılmasına təcrübəli ixtisas müəllimləri təyin olunub ki, onlar da ayrı-ayrı sahələr üzrə şagirdlərin kiçik elmi-yaradıcılıq fəaliyyətini istiqamətləndirirlər.

Hazırda şöbənin  təcrübəli metodisti Rəna Qasımova xüsusi istedadlılarla və "Kiçik Akademiya"larla aparılan işlərin düzgün istiqamətləndirilməsi, bu sahədə işlərin daha da canlandırılmasına təhkim olunub.  Həmin sahədə ciddi iş aparılır.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov