Javascript DHTML Drop Down Menu Powered by dhtml-menu-builder.com

ARXİV

14 Noyabr 2014 - №44

 

Bayrağımızın, müstəqilliyimizin tanındığı gün

 

Naxçıvan Özəl Universitetinin Tələbə Gənclər Təşkilatının  idarəetmə və pedaqoji  fakültələrinin birgə təşkilatçılığı ilə 9 noyabr "Bayraq günü" ilə əlaqədar tədbir keçirilmişdir. Tədbir başlamazdan əvvəl Azərbaycanın Dövlət himni səsləndirilmişdir.

Universitetin tədris işləri üzrə prorektoru İbrahim Kazımbəyli çıxış  edərək bu günün tarixi əhəmiyyətindən danışmışdır.

Universitetin humanitar işlər üzrə prorektoru Əli Yusifov ulu öndərin milli mənafelərə əsaslanan siyasətinin bütün sahələrdə uğurla davam etdirildiyini diqqətə çatdırmış və bildirmişdir ki, Prezident İlham Əliyev yüksək vətənpərvərliklə Azərbaycanın milli dövlət atributlarını uca tutur.

Tədbirdə universitetin idarəetmə fakültəsinin dekanı, dosent Elbrus İsayev, ali məktəbin müəllimi, tarix üzrə fəlsəfə doktoru Mehman Şabanov, maliyyə ixtisasının III kurs tələbəsi Rufinə Tarverdiyevanın və coğrafiya müəllimliyi ixtisasının birinci kurs tələbəsi Samir Ağayevin mövzu ilə bağlı çıxışları dinlənilmişdir. Çıxışlarda bir daha vurğulanmışdır ki, Dövlət Bayrağı Meydanı dövlətçiliyimizin keçdiyi şərəfli tarixi, onun hansı təməl prinsiplərinə, ideoloji sütunlara söykəndiyini nümayiş etdirməklə yanaşı, xalqın müstəqil dövlətini qorumaq, inkişaf etdirmək, yaşatmaq əzmini bir daha göstərir.

Sonra tədbirin bədii hissəsi olmuşdur. Bədii hissədə tələbələrin ifasında səslənən bir-birindən maraqlı musiqi nömrələri, bayrağımza həsr edilmiş şeir, şən-hazırcavablar klubunun çıxışları, hazırlanmış videoçarx tədbir iştirakçıları tərəfindən maraqla qarşılanmışdır. 

Nuray ƏSGƏROVA

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov