Javascript DHTML Drop Down Menu Powered by dhtml-menu-builder.com

ARXİV

21 Noyabr 2014 - №45

 

Tədrisin yeni metodlarına dair hesabat açıqlanıb

 

Ali təhsilin  modernləşdirilməsi üzrə yüksək səviyyəli Avropa  Qrupu  (The EUS High-Level Group on the Modernisation of Higher Education)  tərəfindən  ali təhsilin modernləşdirilməsi  üzrə "Universitetlərdə təlim və tədrisin  yeni metodları" barədə yeni hesabat açıqlanıb.  Sənəddə Avropada və bütün dünyada ali təhsilin modernləşdirilməsi sahəsində əldə olunmuş təcrübə təhlil olunur, eləcə də təhsil və təcrübə texnologiyasının yaxşılaşdırılması üçün  15 tövsiyə təklif olunur.  İrlandiyanın keçmiş  prezidenti Meri Makalisinin  rəhbərliyi ilə hazırlanmış hesabatda təhsilin  keyfiyyətinin yaxşılaşdırılması və yeni texnologiyalarla tədrisin təşkili üzrə konkret tövsiyələr  irəli sürülür. 

Məruzənin əsas ideyası ondan ibarətdir ki, Aİ-yə daxil olan bütün ölkələr  birgə əməkdaşlıq sayəsində yeni təlim metodlarının  tətbiqi üçün ali təhsil müəssisələrinin potensialından istifadə etməlidir. Bu isə Avropanın ali təhsilin transformasiyası sahəsində başlıca oyunçu rolunu gücləndirəcək. Avropa komissiyası isə, öz növbəsində, Qrupun təklif etdiyi tövsiyələrin inkişaf  etdirilməsi məqsədilə  Erasmus+ proqramı çərçivəsində  siyasətçilər və təhsil müəssisələri üçün  maliyyələşdirilməni təklif edir. Avropa Birliyinin təhsil, mədəniyyət, gənclər üzrə ali komissarı Andrulla Vasiliu  hesabatın giriş hissəsində yazıb ki, növbəti 10 il ərzində internet təhsilə olan  maraq təxminən 15 dəfə  artaraq  bütün təhsil xidmətlərinin 30%-ni təşkil edəcək. Amma bu islahat müəllimlər və siyasətçilərin köməyi ilə formalaşmalı və  ən başlıcası, əldə olunmuş yeniliklər bütün avropalıların hamısı üçün əlçatan olmalıdır.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov