|
Bakıdakı H.Z.Tağıyev adına 123 nömrəli tam orta məktəbdə
milli mənəvi dəyərlərimizin qorunmasına, şagirdlərin
vətənpərvərlik tərbiyəsinə həsr olunmuş ədəbi-bədii
kompozisiya keçirilib.
Tədbirdə Azərbaycanımıza aid mahnılar, şeirlər, rəqslər
ifa olunub, slaydlar nümayiş etdirilib.
Tədbirin ən maraqlı hissəsi Azərbaycan tarixinin
müxtəlif dövrlərini əhatə edən səhnəcik oldu. Səhnəcik
vasitəsilə haqqın, ədalətin sonda mütləq qələbə
çalacağına, yalanın, şərin gec-tez məhv olacağına inam
aşılanırdı...
Qeyd olundu ki, Bayraq gününün xüsusi bir bayram kimi
qeyd olunması şagirdlərdə dövlətçilik, milli həmrəylik
və hərbi vətənpərvərlik hisslərinin formalaşmasına,
möhkəmlənməsinə müsbət təsir edir. Tədbirdə Azərbaycan
Respublikasının tanıtım vəsiqəsi, dövlətçilik rəmzi olan
üçrəngli bayrağımızın tarixi milli dövlətçiliyimizin
keçdiyi sınaqların tarixi kimi dəyərləndirildi.
Şagirdlər maraqlı çıxışları ilə tədbir iştirakçılarında
dərin təəssürat yaratdılar. Xüsusilə VII sinif
şagirdlərindən Siddiqə, İlahə, Hüseyn, İlkin, Ləman,
Qələm, Vüqar və Rəşad, VIII sinifdən Lamiyə və Sirac, IX
sinifdən Zərifə, Gülsüm, İbrahim, Tükəzban, Aytən,
Səbuhə, Türkan və Leyla, X sinifdən Mahmud, Ənvər, XI
sinifdən Aqil, Cavid və başqaları fəallıqları ilə
seçildilər.
Sonda məktəbin direktoru Səba Həsənova çıxış edərək
şagirdlərə hər zaman Vətən sevgisini, dəyərlərimizi hər
şeydən uca tutmağı tövsiyə etdi.
Zülfiyyə NİFTALIYEVA,
Bakıdakı 123 nömrəli tam orta məktəbin tarix müəllimi,
Uşaq Birliyinin rəhbəri |
