|
 Azərbaycan
Dövlət İqtisad Universitetinin (ADİU) rektoru, professor
Ədalət Muradovun rəhbərlik etdiyi nümayəndə heyəti
Qazaxıstan Respublikasının Almatı şəhərində keçirilən
III Avrasiya Sosial Elmlər Forumunda iştirak edib.
ADİU, Türkiyənin Hacettepe
Universiteti, Qazaxıstanın Ahmet Yesevi Universiteti və
Qırğızıstanın Manas Universitetinin birgə təsisçiliyi
ilə yaranan forumun mövzusu "Avrasiya Regionunda
İqtisadi İnteqrasiya Axtarışları" olub. Forumun bölmə
iclaslarında 7 ölkədən 46 elmi məruzə dinlənilib.
Forumun sonunda IV Avrasiya Sosial Elmlər Forumunun
gələn il Manas Universitetinin təşkilatçılığı ilə
Qırğızıstanın Bişkek şəhərində keçirilməsinə qərar
verilib.
Forumda Azərbaycan, Türkiyə, Qazaxıstan, Qırğızıstanla
yanaşı ABŞ və Rusiyanın elm adamları, rektorlar,
ictimai-siyasi xadimlər və mətbuat nümayəndələri iştirak
edib.
Qeyd edək ki, Avrasiya Sosial Elmlər Forumunun ilk iki
iclası Bakıda, ADİU-da keçirilib.
Rüfanə GÜNƏŞ,
"Azərbaycan müəllimi" |
