|
 Noyabrın
27-də Azərbaycan Respublikasının Təhsil Problemləri
İnstitutunda institutun loqosunun təqdimetmə mərasimi
keçirilib. Tədbiri giriş sözü ilə açan institutun
direktoru, hüquq üzrə fəlsəfə doktoru Qulu Novruzov
TPİ-nin loqosunun yaranması münasibəti ilə kollektivi
təbrik edib.
Q.Novruzov institutda yeni struktur dəyişiklikləri
barədə məlumat verib və loqonun yaradılmasının
zərurətindən danışıb. İnstitutun loqosunun
yaradılmasını rəhbərlik etdiyi təhsil ocağında görülən
işlərin növbəti uğuru kimi qiymətləndirib.
Sonra loqonun elementləri barədə məlumat verən
institutun Təhsil Texnologiyaları Mərkəzinin direktoru
Muxtar Həsənov loqonun başlıca xüsusiyyətlərindən
danışıb. Bildirilib ki, Təhsil Problemləri İnstitutunun
loqosu təmsil etdiyi müəssisəni tam şəkildə əks etdirən
elementlərə malikdir. Qeyd olunub ki, pero -
yaradıcılıq, tədqiqat, elmi zəhməti, kitab - tədqiqatın,
yaradıcılığın əsası kimi informasiya mənbəyini, məzun
papağı - elmli, kamil, yetkin və qeyrətli insan
obrazını, 8 güşəli ulduz - dövlətçilik və millilik
atributunu özündə əks etdirir.
Təqdimetmə mərasimində Təhsil Problemləri İnstitutunun
direktor müavinləri, elmi məsləhətçilər, şöbə müdirləri,
institutun əməkdaşları və mətbuat nümayəndələri iştirak
ediblər.
Rəşad RAMAZANOĞLU,
"Azərbaycan müəllimi" |
