Javascript DHTML Drop Down Menu Powered by dhtml-menu-builder.com

ARXİV

19 Dekabr 2014 - №49

 

"Mer kuboku-2014" intellektual oyunu

 

Gəncə şəhərində  Gənclər və İdman Baş İdarəsi və Gəncə İntellektual Klubunun təşkilatçılığı ilə ilk dəfə "Mer kuboku-2014" adı altında "Nə? Harada? Nə zaman?" intellektual oyunu keçirilib. Əsas məqsəd tələbələrin intellekt səviyyəsinin yüksəldilməsi, dünyagörüşlərinin genişləndirilməsi, vətənpərvərlik hisslərinin inkişaf etdirilməsi və s. olub.

İntellekt yarışında Gəncə şəhərinin ali təhsil məktəblərini əhatə edən 20 komandada 140 nəfər  mübarizəyə qoşulub. Üç mərhələdə keçən  yarışda müəyyən vaxt çərçivəsində hər mərhələdə 12 sual olmaqla, ümumilikdə 36 suala cavab tapmaq lazım gəlib.  Qalib komandalara kubok, medal və diplomlar təqdim olunub.

Yarışda iştirak edən Gəncə Dövlət Universitetinin "Eidon" komandası  ən yüksək göstəricilərə nail olub. Belə ki, Gəncə İntellektual Klubunun rəhbəri Natiq Salahovun hazırladığı "Eidon" komandası I yeri əldə edə bilib. "Eidon" sözünün də latınca mənası elə "qələbə" deməkdir.

Gəncə Dövlət Universitetinin rektoru Yusif Yusibov Gəncə şəhərində ilk dəfə keçirilən və bundan sonra mütəmadi keçirilməsi qərara alınan "Mer kuboku-2014" adı altında "Nə? Harada? Nə zaman?" intellektual oyununda qalib gəlmiş komandanın üzvlərini-Royal Hüseynovu (komandanın kapitanı), Fikrət Fərhadlını, İbrahim Salayevi, Royal Məcidlini (iqtisadiyyat fakültəsinin IV kurs tələbələri), Nürəddin Hüseynovu (fizika və texniki fənlər fakültəsinin tələbəsi) və Şövkət Orucovanı (xarici dillər fakültəsinin tələbəsi) qəbul edib və onlara universitetin şərəfini qoruduqları üçün təşəkkürünü bildirib. Qalib komandanın üzvlərinə mükafatlar təqdim olunub. 

Maqbet ƏHMƏDOV,
Gəncə Dövlət Universiteti Mətbuat xidmətinin rəhbəri

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov