Javascript DHTML Drop Down Menu Powered by dhtml-menu-builder.com

ARXİV

10 Yanvar 2015 - №01

 

Kiçikyaşlı uşaqlar üçün bədii ədəbiyyat müsabiqəsi

 

"Ümumtəhsil məktəb şagirdlərinin mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması ilə bağlı tədbirlər barədə" Azərbaycan Respublikası təhsil nazirinin əmrində şəxsiyyətin mənəvi inkişafında mütaliənin rolu ətraflı izah olunur.

Yalnız "oxu" deməklə kifayətlənmir təhsil mütəxəssisləri, həm də nəyi oxumağı tövsiyə edir şagirdlərə. Buna görə də kiçikyaşlı uşaqların mütaliəsi üçün  yalnız klassik ədəbiyyatın deyil, həmçinin müasir həyatı əks etdirən bədii nümunələrin dəyərləndirilrək seçilməsi  aktual məsələlərdəndir. Bu səbəbdən də Azərbaycan Respublikasının Təhsil Nazirliyi "Kiçikyaşlı məktəblilər üçün ən yaxşı nəsr, nəzm və dram əsərləri" adlı müsabiqə elan edir. Müsabiqənin keçirilməsində əsas məqsəd yaş psixologiyası nəzərə alınmaqla kiçikyaşlı məktəblilərə mənəvi zənginlik, vətənpərvərlik, milli və ümumbəşəri dəyərlər, emosional və idraki keyfiyyətlər aşılayan, onların bədii zövqünün inkişafını şərtləndirən ədəbi əsərlərin yazılmasını stimullaşdırmaqdan ibarətdir.

Ekspertlərin fikrincə, azyaşlı uşaqların qarşısına çıxan istənilən bir kitabı oxuması məqsədəuyğun deyildir. Hər yazılanı uşağa oxutmaq olmaz. Bir maraqsız kitabla bir uşağı ömürlük mütaliədən uzaq salmaq olar. Bu səbəbdən də təhsil mütəxəssislərinin tövsiyəsi ilə valideynlər, müəllimlər kitabları özləri seçib uşaqlara verməlidirlər. 

Könül NƏHƏTOVA,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov