Bakı Şəhər Gənclər və İdman Baş İdarəsi tərəfindən
(BŞGİBİ) Azərbaycan Dövlət Bədən Tərbiyəsi və İdman
Akademiyasında güllə atıcılığı üzrə paytaxt çempionatı
keçirilib. BŞGİBİ-dən bildiriblər ki, turnirdə 34
idmançı iştirak edib. Qızların yarışında PT-3 hərəkəti
üzrə Rübabə Quluzadə, PTÇ-2 və KÇTÇ hərəkətləri üzrə isə
Nigar Nəsirova fəxri kürsünün ən yüksək pilləsinə
qalxıblar.
Oğlanların mübarizəsində PT-4 hərəkəti üzrə Əliməmməd
Hüseynov, PTÇ-3 və KÇTÇ-4 hərəkətləri üzrə Ruslan Lunyov
birinci olublar. İlk üç yeri tutan idmançılar
mükafatlandırılıblar. |