|
 Rusiyanın
ayrı-ayrı məktəblərində aparılmış sorğular bu sualın
cavabını tapmağa imkan verib. "Uçitelskaya qazeta"nın
məlumatına görə, cavablar heç də birmənalı
qiymətləndirilə bilməz. Voronej şəhərindən gimnaziya
direktoru Tatyana Bondarevanın sözlərinə görə,
müavinlərin sayı nə qədər çox olsa, bir o qədər
yaxşıdır. Əgər məktəbdə mindən artıq şagird təhsil
alırsa, müavinlərin çox olması vacibdir. Tədris hissə
müdirinin işinin həcmi nə qədər az olarsa, o, öz
vəzifəsinin öhdəsindən daha keyfiyyətlə gələ bilər.
İlk növbədə, məktəb direktorunun tədris işləri üzrə
müavini olmalıdır, yaxşı olardı ki, onlar bir neçə
istiqamət - təbiət-riyaziyyat, humanitar, ibtidai
məktəblər üzrə bir neçə nəfər olsunlar. Tərbiyə işləri
üzrə müavin və ona köməkçi də lazımdır, əvvəllər
köməkçilər pioner rəhbərləri adlanırdı. İndi bu
dərəcələri optimallaşdırırlar, amma onlarsız keçinmək
həm məktəb, həm də tədris hissə müdiri üçün çətindir.
Məktəb direktorunun təsərrüfat işləri üzrə müavininin
olması da vacibdir, bu, ənənəvi vəzifədir. Son illərdə
İKT-nin inkişafı ilə əlaqədar olaraq informasiya
texnologiyaları və ya informatlaşdırma üzrə tədris
hissə müdiri lazımdır. Ayrı-ayrı məktəblərdə bu vəzifə
müxtəlif cür adlandırıla bilər.
Novqorod vilayətindən kənd məktəbinin direktoru
Valentina Aleksandrovna qeyd edir ki, onun
təlim-tərbiyə, tərbiyə işləri üzrə 2 müavini var.
"Onlar mənim dayağım və dəstəyimdir. Məktəbi əminliklə
müəyyən situasiyalarda tamamilə onların ixtiyarına
buraxa bilərəm. Tam əmin ola bilərəm ki, məktəbdə hər
şey öz qaydasında olacaq, həm müəllimlər, həm də
uşaqlar məktəbin bütün planları barədə xəbərdar olacaq,
həmişə olduğu kimi, bütün maraqlı müsabiqələrdə və
tədbirlərdə iştirak edəcəklər. Məktəbimiz kiçikdir,
burada cəmi bir neçə on nəfər çalışır. Ona görə də
mənim müavinlərim həm də musiqi və rus dili və
ədəbiyyatı müəllimləri kimi də fəaliyyət göstərirlər.
Hesab edirəm ki, bu, kiçik kənd məktəbinin pedaqoji
heyətinin optimallaşdırılması üçün yeganə çıxış
yoludur".
Petrozavodskdan xarici dillər təmayüllü məktəbin
direktoru Yelena Mixiyevanın sözlərinə görə, müavinlərin
sayı şagirdlərin sayından, məktəbin səviyyəsindən və
xüsusiyyətlərindən asılıdır. "Əgər maliyyə imkanı
olsaydı, mən mövcud olan müavin vəzifələri ilə yanaşı,
direktorun elmi-metodik işlər və informatlaşma üzrə
müavinlərinin təyin olunmasını da təmin edə bilərdim",
-deyə direktor bildirir. Yeri gəlmişkən, təhlükəsizlik
məsələləri üzrə direktor müavini vəzifəsini mən
zərurət hesab etmirəm, bu vəzifə nə vaxtsa yuxarıdan
bizə diktə olunub.
Leninqrad vilayətindəki Priozersk Politexnik Kollecinin
direktoru Qalina Şevçenkonun sözlərinə görə, direktor
müavinlərinin sayı təhsilalanların sayından asılıdır.
Əgər təhsil müəssisəsində 250 nəfər təhsil alırsa, 2
direktor müavininin olması kifayətdir. Əgər 250-400
nəfər təhsil alırsa, tədris işləri, tərbiyə,
istehsalat, təsərrüfat fəaliyyəti üzrə direktor
müavinləri lazımdır. Əgər 400 nəfərdən artıq şagird
təhsil alırsa, onda həm də şöbə müdirləri lazımdır.
"Lakin bu yalnız mənim fikrimdır. Müəyyən olunmuş ştat
normativləri mövcuddur ki, biz onlara əməl etməliyik.
Lakin vəsait olduğu təqdirdə müavinlərin, onların
məvacib və vəzifə maaşlarına əlavələrin təyin olunması
birbaşa direktorun səlahiyyətləri daxilindədir".
Oruc MUSTAFAYEV,
"Azərbaycan müəllimi"
"Uçitelskaya qazeta"dan |
