Javascript DHTML Drop Down Menu Powered by dhtml-menu-builder.com

ARXİV

14 Mart 2015 - №10

 

Narkomaniya mövzusunda maarifləndirici tədbir

 

Böyütmək üçün seçinMartın 7-də Bakıdakı 297 nömrəli tam orta məktəbdə narkomaniya və onun açı nəticələri mövzuna həsr olunmuş   "Ölümünü sifariş edənlər" adlı tədbir keçirilib.  Üçrəngli  Dövlət bayrağı səhnəyə gətirilib. Şagirdlərin ifasında Dövlət himni səslənib.

Şagirdlərin hazırladıqları "Bədbəxtliyin açarı narkomaniya" və "Susmuş vicdan"  səhnəcikləri göstərilib. Səhnələşdirilən tamaşalarda XXI əsrin ən qlobal problemlərindən olan və  milyonlarla insanın həyatına son qoyan narkomaniyaya düçar olmuş insanların aqibəti öz əksini tapıb.

Aparıcılar son illərdə narkotiklərin dövriyyədən çıxarılması ilə bağlı həyata keçirilən tədbirlərdən, narkomaniyanın statistikasında gəncləşmənin  müşahidə edildiyindən söz açıblar.

Zərərli vərdişlərin törətdiyi ağır bəlalardan danışan məktəbin direktoru Fazil Məmmədov bildirib ki, problemin qarşısının alınmasında maarifləndirmə işinin rolu böyükdür.

Məktəbin şagirdləri yaşıdlarına müraciət ediblər. Bildiriblər ki, böyüməkdə olan gənc nəsil iradəli və möhkəm olmalıdır. Bu gün hər bir Azərbaycan məktəblisi və gənci pis vərdişlərə meyil göstərməməlidir. Onlar yüksək səviyyədə tərbiyə olunmalı və savadlı yetişməlidirlər.

Şagirdlər vurğulayıblar ki, vətənimizin ermənilər kimi olduqca hiyləgər düşmənləri var. O düşmənlər torpaqlarımızın 20 faizdən çoxunu işğal ediblər. Bu gün qarşımızda duran ən mühüm vəzifə vətənimizin ərazi bütövlüyünü bərpa etməkdir. 

Rəşad RAMAZANOĞLU,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov