Javascript DHTML Drop Down Menu Powered by dhtml-menu-builder.com

ARXİV

11 Aprel 2015 - №12

 

Məktəblilər ulu öndərin irsini dərindən öyrənirlər

 

Böyütmək üçün seçinKürdəmir Rayon Təhsil Şöbəsindən redaksiyamıza daxil olan  məktubda  qeyd olunur ki, rayonda ümummilli lider Heydər Əliyevin irsinin daha da dərindən öyrənilməsi məqsədilə ümumtəhsil məktəblərinin bir qrup XI sinif şagirdləri üçün növbəti "açıq dərs" keçirilib.

Qarasaqqal kənd tam orta məktəbinin tarix müəllimi Əhsən Xankişiyevin tədris etdiyi "açıq dərs"də rayonun Dəyirmanlı, Sor-sor, Garısəyribənd, Çöhranlı, Söyüdlər kənd tam orta məktəblərinin şagirdləri iştirak edib.  "Açıq dərs"də bütün həyat və fəaliyyətini öz xalqının xoşbəxtliyinə həsr etmiş ümummilli lider Heydər Əliyevin demokratik dövlət quruculuğu prosesindəki rolu və xidmətlərindən ətraflı bəhs olunub.

"İlk milli Konstitusiyamız" mövzusunda keçirilən "açıq dərs"də şagirdlərə 1995-ci il noyabrın 12-də ulu öndər Heydər Əliyevin rəhbərliyi ilə hazırlanmış müstəqil Azərbaycanın ilk Konstitusiyasının qəbul edilməsi, Konstitusiyada bəşəri və milli-mənəvi dəyərlərin, demokratik prinsiplərin öz əksini tapması, demokratik seçki sistemi və onun həyata keçirilməsi ənənələrinin əsasının qoyulması kimi dolğun məlumatlar verilib.

Bundan əlavə, şagirdlər ümummilli liderin keçdiyi şərəfli həyat yolunu əks etdirən sənədli filmə baxıb, Kürdəmir rayonuna səfərlərini əks etdirən fotoşəkillərlə, böyük şəxsiyyət haqqında yazılmış kitablardan ibarət guşə ilə yaxından tanış olublar. 

Şakir CƏFƏROV,
"Azərbaycan müəllimi"

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov