Javascript DHTML Drop Down Menu Powered by dhtml-menu-builder.com

ARXİV

18 Aprel 2015 - №13

 

Polşa səfiri Azərbaycan Dillər Universitetində

 

Böyütmək üçün seçinAzərbaycan Dillər Universitetinin rektoru, Milli Məclisin deputatı, professor Səməd Seyidov  Polşa Respublikasının ölkəmizə yeni təyin olunmuş fövqəladə və səlahiyyətli səfiri Marek Tsalkanı qəbul edib.

Qonağı salamlayan rektor onu Azərbaycanda diplomatik fəaliyyətə başlaması münasibətilə təbrik edib. Professor Səməd Seyidov Azərbaycan-Polşa əlaqələrindən danışaraq iki ölkə arasında təhsil sahəsində  uğurlu əməkdaşlığın olduğunu diqqətə çatdırıb. Rəhbərlik etdiyi ali təhsil ocağı haqda danışan rektor universitetdə bir çox istiqamətlər üzrə müxtəlif ixtisasların mövcud olduğunu vurğulayıb. O, universitetdə polyak dilinin tədris olunduğunu bildirib və  tələbələrin bu dilə xüsusi maraq göstərdiyini qeyd edib. 

Səmimi qəbula görə təşəkkür edən səfir Marek Tsalka universitetdə polyak dilinin tədrisini yüksək qiymətləndirib, Polşa universitetlərində təhsil almaq istəyən azərbaycanlı tələbələr üçün bir çox imkanların yaradılmasının mümkünlüyündən söz açıb. O, universitetdə polyak dili kurslarının açılmasının məqsədəuyğun olduğunu bildirib və bu kurslar sayəsində tələbələrin Polşanın dili, tarixi, mədəniyyəti, incəsənəti haqqında daha çox məlumat ala biləcəklərini sözlərinə əlavə edib.

Görüşdə həmçinin gələcək əməkdaşlıq perspektivləri ilə bağlı fikir mübadiləsi aparılıb.  

İctimaiyyətlə əlaqələr Departamenti

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov