Javascript DHTML Drop Down Menu Powered by dhtml-menu-builder.com

ARXİV

2 May 2015 - №15

 

"Dəniz və enerji hüququ sahəsində əməkdaşlığın perspektiv istiqamətləri" mövzusunda tədbir

 

 Bakı Dövlət Universitetinin ABŞ-ın Tuleyn Universitetinin hüquq fakültələrinin birgə əməkdaşlığına həsr olunmuş "Dəniz və enerji hüququ sahəsində əməkdaşlığın perspektiv istiqamətləri" mövzusunda tədbir keçirilib. Tədbirdə BDU-nun rektoru, akademik Abel Məhərrəmov tədbirin əhəmiyyətindən və universitetlərarası münasibətlərdən söz açıb. 2012-ci ildə imzalanan niyyət protokoluna əsasən BDU-nun hüquq fakültəsinin iki tələbəsinin Tuleyn Universitetinin hüquq fakültəsində dəniz hüququ və enerji hüququ üzrə magistratura ixtisaslarında təhsil aldığını qeyd edən rektor bu layihənin gerçəkləşməsində SOCAR-ın maliyyə dəstəyi göstərdiyini diqqətə çatdırıb.

ABŞ-ın ölkəmizdəki səfiri Robert Sekuta çıxış edərək universitetlərarası əməkdaşlıqdan söz açıb və tədbirin həm də ölkələrarası münasibətlərə müsbət töhfə verəcəyini qeyd edib. Tədbirdə həmçinin BDU-nun hüquq fakültəsinin dekanı, professor Əmir Əliyev və Tuleyn Universitetinin hüquq fakültəsinin dekanı Devid Mayer çıxış edib. Sonra hüquq fakültəsinin Tuleyn Universitetində dəniz və enerji hüququ üzrə magistratura ixtisaslarında təhsil almış iki tələbəsinə "ikili diplom" təqdim edilib.

Tədbirdə həmçinin Azərbaycan Respublikası Dövlət Dəniz Administrasiyası ilə Bakı Dövlət Universiteti arasında anlaşma memorandumu imzalanıb. Memorandum BDU-nun hüquq fakültəsində dəniz hüququ və enerji hüququ üzrə təhsil alan tələbələrin bu qurumda təcrübə keçmələri, birgə əməkdaşlıq kimi məsələləri nəzərdə tutur.  

Mətbuat və informasiya şöbəsi 

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov