|
 Ümummilli
liderin anadan olmasının 92-ci ildönümü münasibətilə
Astara şəhərindəki Heydər Əliyev Mərkəzində yeniyetmələr
və gənclər arasında breyn-rinq intellektual oyunu üzrə
rayon çempionatı keçirilib.
Rayon təhsil şöbəsindən məlumat verilib ki, bilik
yarışının iştirakçıları əvvəlcə ulu öndərin büstü önünə
gül dəstələri düzərək xatirəsini ehtiramla yad edib,
böyük rəhbərin zəngin və mənalı ömür yolunu əks etdirən
eksponatlar və fotoşəkillərlə tanış olublar. Bilik
yarışında rayonun 10 ümumtəhsil məktəbini təmsil edən 70
yeniyetmə və gənc qələbə uğrunda mübarizə aparıb.
İntellektual oyunun nəticələrinə görə, Şahağacı kənd 2
nömrəli tam orta məktəbin, Astara Pedaqoji Kollecinin və
Siyəkü kənd tam orta məktəbinin komandaları müvafiq
olaraq birinci, ikinci və üçüncü yerləri tutublar.
Qaliblər diplomlarla mükafatlandırılıblar. |
