Javascript DHTML Drop Down Menu Powered by dhtml-menu-builder.com

ARXİV

6  İyun 2015 - №20

 

Tələbələrimiz Pekində 30 komanda arasında ikinci olublar

 

Tələbələrimizin bir sıra beynəlxalq  tədbirlərdə uğurla çıxış  etməsi sevindirici haldır. Elə  Azərbaycan ali məktəb tələbələrinin  mayın son günlərində  Çin Xalq Respublikasında keçirilən  beynəlxalq  müsabiqədə yüksək bilik və bacarıq nümayiş etdirməsi də  buna misaldır.  Çin Neft Universitetinin  təşkil etdiyi "Gələcəyin Neft Mühəndisləri Forumu"nda ("Future Petroleum Engineers") Azərbaycanı universitetlərimizdən 10 ən yaxşı tələbə təmsil edib.   Forum çərçivəsində  "PetroCup" yarışı keçirilib. Geologiya, geofizika və neft sənaye işi üzrə yarışmada müxtəlif ölkələrdən 30-a yaxın komanda iştirak edib. M.V.Lomonosov adına MDU-nun Bakı filialının kimya fakültəsinin III kurs tələbəsi Aygün Dadaşeva, Xəzər Universitetinin neft mühəndisliyi departamentinin III kurs tələbələri Məsail Quliyev və Fuad Cənnətov beynəlxalq yarışmada Azərbaycan komandasını layiqincə təmsil edərək II yerə layiq görülüblər.  Birinci yeri Çin, III yeri isə Avstraliya komandası  qazanıb.  

Tələbələrimiz  "PetroCup" yarışında Avropanın güclü universitetlərinə - Böyük Britaniyanın Heriot-Vatt, Qordon Braun, Aberdin universitetlərinə qalib gələrək 30 komanda arasında yarışda fərqləniblər.

MDU-nun Bakı filialının tələbəsi Aygün Dadaşevadan aldığımız məlumata görə,  Forum çərçivəsində kütləvi mədəni tədbirlər proqramı təşkil olunub.  Mədəniyyət gecəsində  iştirak edən tələbələr  öz ölkələri, milli geyimləri, milli kulinariyası, adət-ənənələri, musiqiləri ilə bağlı məlumat veriblər. 

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov