Bakıdakı
284 nömrəli tam orta məktəbin futbol meydançasında
Binəqədi rayonu ərazisində məskunlaşmış Şuşa rayonunun
yeniyetmələri arasında məhəllələrarası mini-futbol
turnirinə start verilib.
Bakı Şəhər Gənclər və İdman Baş İdarəsindən (BŞGİBİ)
AZƏRTAC-a bildiriblər ki, yarışın rəsmi açılış
mərasimində Şuşa Rayon Gənclər və İdman İdarəsinin rəisi
Nadir Bayramov, Binəqədi Rayon Gənclər və İdman
İdarəsinin rəisi Qüdsi Bayramov, BŞGİBİ-nin baş
məsləhətçisi Salman Əbdülov və digərləri iştirak
ediblər. Çıxış edənlər futbolun inkişafında xüsusilə
uşaqlar arasında keçirilən məhəllələrarası mini-futbol
turnirinin böyük rol oynadığını, respublika
Prezidentinin müvafiq sərəncamı ilə təsdiq olunmuş
"Azərbaycan Respublikasında 2005-2015-ci illərdə
futbolun inkişafına dair Dövlət Proqramı"nın bu tipli
tədbirlərin keçirilməsi ilə yüksək səviyyədə icra
olunduğunu, həmçinin bir çox məktəblərin nəzdində süni
ot örtüyü ilə döşənmiş mini-futbol meydançalarının
yüksək səviyyədə tikilib istifadəyə verildiyini
bildiriblər.
Tədbirin sonunda qalib komandaların üzvləri müvafiq
dərəcəli diplomlarla, futbol formaları ilə və kubokla
təltif olunublar. |